E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Jamarbër Malltezi ankimon vendimin për sekuestrimin e pasurive

3 Nëntor 2023, 14:46, Politikë CNA

Jamarbër Malltezi ankimon vendimin për sekuestrimin e pasurive

Jamarbër Malltezi, dhëndri i ish-kryeministrit Sali Berisha

Jamarbër Malltezi, dhëndri i ish-kryeministrit Sali Berisha ka ankimuar në Apelin e GJKKO vendimin për sekuestrimin e pasurive të tij.

Ankimimi është bërë nga avokatët e tij, të cilët pretendojnë se pronat kanë burim të ligjshëm, nuk ka korrupsion, konflikt interesi apo element të pastrimit të parave.

Avokatët e Malltezit kanë argumentuar në kërkesën e ankimimit se çdo veprim i ndërmarrë nga qeveria Berisha, ka qenë në përmbushje të qëllimeve të ligjshme të qeverisjes.

“Prona ka shkuar tek pronari i ligjshëm. Ndryshimi i destinacionit është bërë nga Bashkia Tiranë”, thuhet ndër të tjera në argumentet e mbrojtjes.

Ndërkohë, kujtojmë se Malltezi më parë ka ankimuar edhe masën e arrestit me burg.

Jamarbër Malltezi ankimon masën e sigurisë/ Kërkon daljen nga qelia
27 Tetor, 10:15

Anëtari i Këshillit Kombëtar të PD-së u vu në pranga mbrëmjen e 21 tetorit në aeroportin e Rinasit, pasi akuzohet për korrupsion pasiv të funksionarëve të lartë shtetërorë dhe pastrim të produkteve të veprës penale në lidhje me privatizimin e ish-kompleksit "Partizani".

Ish-kryeministri Berisha akuzohet për korrupsion pasiv të funksionarëve të lartë shtetërorë.

SPAK pretendon se Berisha, në cilësinë e tij si kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit "Partizani", Malltezi në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro./ CNA