web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Rama firmosi marrëveshje me Italinë për të shpëtuar “menderen” nga hetimi ndërkombëtar

7 Nëntor 2023, 11:29, Politikë CNA
Berisha: Rama firmosi marrëveshje me Italinë për të
Kryetari i Partisë Demokratike, Sali Berisha

Kryetari i Partisë Demokratike, Sali Berisha, foli në një prononcim për mediat për marrëveshjen e firmosur nga kryeministri Edi Rama me Italinë për emigrantët.

Berisha e cilësoi firmën e Ramës të pavlefshme, pasi pretendon se është kryeministër në hetim ndërkombëtar.

Sipas tij, Rama po e firmos këtë marrëveshje për të shpëtuar nga hetimi ndërkombëtar në çështjen e Charles McGonigal.

“Duke shprehur respektin tim për kryeministren e Italisë, Giorgia Meloni, më duhet t’i them se firma e Edi Ramës në atë marrëveshje është e pavlefshme.

Është e pavlefshme sepse Edi Rama është kryeministër nën hetim ndërkombëtar dhe është i gatshëm të firmosë çdo gjë për të lehtësuar dhe shpëtuar 'menderen' e tij nga ai hetim ndërkombëtar i pashpresë.

Edi Rama është bashkëfajtor me McGonigal, aq sa ka pranuar McGonigal përpara gjykatësit të Uashingtonit, por edhe disa të tjera që ne do t'ia dërgojmë gjykatës dhe Kongresit të SHBA në hetim.
Në këtë kontekst, asnjë lloj firme e tij nuk ka më vlerë.

Së dyti, Shqipëria ka me Italinë një marrëveshje të firmosur nga qeveria e PD, asokohe ministër i Brendshëm ka qenë, i ndjeri president i Italisë, Giorgio Napolitano. Në këtë marrëveshje, me vendin mik ramë dakord, që çdo emigrant që kalon nga Shqipëria në Itali, i vendeve të tjera, të kthehet në Shqipëri për t’i nisur në vendin e tij.

Pra, marrëveshja është e tillë. Atë zotim, Edi Rama e ka marrë në emër të trafikantëve të skllevërive njerëzore”, theksoi Berisha./ CNA





Lajmet e fundit nga