web counter
LEXO PA REKLAMA!

SHKARKO APP

App Store
Google Play

E fundit!

x

Foto - Basha ngre dolli me babain e Ervis Martinajt/ Në shtator e përzgjodhi anëtar të Këshillit Kombëtar

8 Nëntor 2023, 11:54, Politikë CNA
Foto - Basha ngre dolli me babain e Ervis Martinajt/ Në shtator e
Fotomontazh - Lulzim Basha dhe Ervis Martinaj

Ditën e djeshme, Lulzim Basha publikoi disa foto nga Laçi dhe deklaroi se ndodhej në banesën e Pjetër Lulit.

CNA konstatoi se i pranishëm në takim ka qenë edhe babai i të famshmit Ervis Martinaj, një nga eksponentët kryesorë të botës së krimit, për të cilin pretendohet se është zhdukur që prej gushtit të 2022-shit.

Siç shihet edhe nga fotoja, Mustafë Martinaj, babai i Ervis Martinajt është duke folur dhe duke ngritur dolli rakie me Lulzim Bashën.

Foto - Basha ngre dolli me babain e Ervis Martinajt/ Në shtator e
Lulzim Basha dhe Mustafë Martinaj

Babai i Martinajt rezulton të jetë një nga anëtarët e Këshillit Kombëtar të PD-së së Bashës, i cili u zgjodh në shtator.

Lidhjet e familjes Martinaj me Lulzim Bashën janë denoncuar edhe më parë në media.

Gazetari Artan Hoxha ka denoncuar se “mbreti i lojërave të fatit, i shumëkërkuar nga drejtësia, ka qenë mbështetës dhe financues i Partisë Demokratike në fushatën elektorale të zgjedhjeve të 2021-shit, kohë kur PD drejtohej nga Lulzim Basha.

“Martinaj ka qenë mbështetës, financues i Partisë Demokratike. Edhe në fushatën e fundit ka qenë financues i fuqishëm i Partisë Demokratike”, deklaroi Hoxha në shtator të 2022-shit.

Gjithashtu, gazetari ka treguar se Basha është edhe arsyeja për të cilën Martinaj u bë armiku i mazhorancës së sotme./ CNA





Lajmet e fundit nga