E fundit!

14:34 Aktualitet

Edmond Spaho: Edi Rama nuk duhet të japë dorëheqjen

Ish-nënkryetari dhe ish-deputeti i Partisë Demokratike, Ed...

Buxheti 2024, “mollë sherri” mes socialistëve/ Braçe “përplaset” me Ervin Meten

7 Nëntor 2023, 12:09, Politikë CNA

Buxheti 2024, “mollë sherri” mes socialistëve/

Deputeti Erion Braçe

Projektbuxheti i vitit 2024 është bërë “mollë sherri” mes socialistëve. Deputeti Erion Braçe është “përplasur” me ministrin e Ekonomisë, Ervin Mete.

Braçe kërkoi llogari për pensionet, pasi tha se personat që kanë dalë në pension në vitet 1993 dhe 2015 janë të goditur nga reformat dhe nuk kanë rritje.

“Në vitin 1993 të gjitha pensionet që ishin lidhur me para mbeten në ato nivele, kurse ato që u lidhën më pas u rritën. E njëjta ndodhi me 2015, kush lidhet pas këtij viti janë shumë më të larta se ato para 2015-ës. Kur kemi pensionistë të goditura nga këto dy reforma që e kanë pasur mendjen tek e ardhmja, a ka ardhur momenti që të shohim një zgjidhje përtej indeksimit? Sa është fatura e indeksimit dhe bonusit të pensioneve në vitin që vjen?”, u shpreh ai.

Nga ana tjetër, Mete pranoi se është koha që qeveria të bëjë një ndërhyrje reformuese te pensionet.

“Pensionet ka ardhur momenti për një ndërhyrje reformuese. E kemi nisur diskutimin me BB e FMN që po bëjnë analiza paraprake. Është çështje e mprehtë çështja e pensioneve dhe kërkon qasje që amortizim diferencat në kontribut dhe përfitues. Po diskutohet edhe indeksimi që të ndryshojë. Në 2024 janë 4 miliardë lekë për indeksimin e pensioneve. Është buxhetuar 3.6 miliardë lekë për bonusin e fundvitit.

Një ndër rreziqet më kryesore lidhur me skemën e pensioneve, është numri i lartë i të vetëpunësuarve që ne kemi në sistem, ato kanë nivel të ndryshëm kontributi në skemë, dhe kontrolli i tyre për kontributin nuk është shumë i arritshëm”, u përgjigj ai.

Braçe u ndal edhe te buxheti i caktuar për bujqësinë, për të cilin deklaroi se nuk ka parë rritje prej 2 vitesh.

“Bujqësia dhe ndërtimi janë 2 sektorët kryesorë që do sjellin rritjen ekonomike. Mendoni se mjafton buxheti për bujqësinë për t’u rritur siç e parashikoni, sepse bujqësia është prej 2 vitesh thuajse pa rritje? A nuk është më e drejtë që këtë sektor prioritar ta ndihmonim me më shumë buxhet?”, tha ai.

Edhe për këtë rast, ministri i Ekonomisë theksoi se do të bëjë një rishikim dhe ndërhyrje në buxhet.

“Ndaj mendimin që mbështetja për bujqësisë duhet të rishikohet për të parë efektivitetin e tyre. Mendoj se duhet të shikohen masat mbështetëse për bujqësinë, dhe forma e mbështetjes duhet të rishikohet, në raport me produktet, me cilësinë që ky sektor të marrë mbështetjen e nevojshme. Ne do të bëjmë një ndërhyrje rishikuese të buxhetit në qershor të vitit 2024 dhe bujqësia do të jetë sektori kryesor i rishikimit”, nënvizoi Mete./ CNA