web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëria buzë greminës financiare”, Meta akuza Ramës për buxhetin 2024: Profesionet e lira, të diskriminuara

7 Nëntor 2023, 12:03, Politikë CNA

 

“Shqipëria buzë greminës financiare”, Meta akuza
Ilir Meta

 

Kreu i Partisë së Lirisë, Ilir Meta, në një konferencë për mediat hodhi akuza ndaj qeverisë Rama për buxhetin 2024. Meta nënvizoi se mbyllja antikushtetuese e Parlamentit i shërben vetëm korrupsionit shtetëror të Edi Ramës dhe qëllimit mafioz për t’u fshehur shqiptarëve buzëgreminën e madhe financiare ku është vendosur Shqipëria.

Meta nënvizoi se Shqipëria ka performancën më të ulët të mbledhjes së të ardhurave dhe ndërkohë e cilësoi taksën ndaj profesioneve të lira një skandal. 

Sipas Metës paketa fiskale e propozuar nga qeveria ka efekte negative. 

"Paketa fiskale e propozuar nga Qeveria do të ketë vetëm efekte negative për ekonominë, sepse rrit në vazhdimësi barrën fiskale për biznesin dhe konsumatorët dhe do të rrisë barrën fiskale për profesionet e lira deri në 23%. Ky buxhet tregon fytyrën e tij antisociale, sepse sipas sektorëve të ndryshëm, ai vetëm i ul shpenzimet sociale. Nuk ka rritje për pagesat e papunësisë. Fondi për rritjen e pensioneve për vitin 2024 parashikohet vetëm 4.1 miliardë lekë (rreth 38 milionë euro) ose një rritje vetëm 2.1% e fondit total të sigurimeve shoqërore, që nuk realizon as indeksimin për nivelin e inflacionit. Nuk ka të parashikuar asnjë fond për mbështetjen e familjeve dhe shtresave më të varfra nga rritja e mëtejshme e çmimeve në vitin në vazhdim dhe në vitin 2024. Rritja e barrës fiskale për vitin 2024 bazohet te lojërat akciza e cigareve, lojërat e fatit dhe rritjen e taksimit të profesioneve të lira. Kjo taksë e fundit, një taksë që stimulon largimin e trurit dëmton veçanërisht profesionet shumë të kërkuara si mjekët, por dhe ekspertë të fushave të ndryshme. Profesionistë të cilët vuajnë një diskriminim fiskal", u shpreh Meta./CNA

 





Lajmet e fundit nga