web counter
LEXO PA REKLAMA!

SHKARKO APP

App Store
Google Play

E fundit!

x

Aksioni në Kuvend/ Meta: Qëndrojmë krah kolegëve opozitarë, fajtor Rama

7 Nëntor 2023, 12:26, Politikë CNA
Aksioni në Kuvend/ Meta: Qëndrojmë krah kolegëve
Ilir Meta

Kryetari i Partisë së Lirisë, Ilir Meta, në një konferencë për mediat u shpreh se përgjegjës për krizën e bllokimit të Kuvendit është drejtpërdrejt kryeministri Edi Rama.

Meta nënvizoi se Partia e Lirisë qëndron e vendosur në të gjithë aksionin opozitar për të rivendosur të drejtat kushtetuese, veçanërisht për çështjen e komisioneve hetimore.


“Në gjithë çështjet dhe elementët thelbësorë për të kthyer parlamentin në funksionalitet dhe normalitet, Partia e Lirisë qëndron e vendosur dhe krah të gjithë kolegëve të tjerë opozitarë” – deklaroi Meta.

Nga ana tjetër opozita vijon me aksionin e saj opozitar. Një ditë më parë deputetët e PD-së krijuan tensione në Kryesinë e Kuvendit, pasi 8 të përjashtuarit nuk u lejuan që të futeshin brenda ambienteve të Kryesisë. Disa prej deputetëve u futën në Kryesinë e Kuvendit nga dritaret.

Opozita shprehet se Rama duhet të respektojë të drejtat kushtetuese dhe të lejojë opozitën që të ngrihen komisionet hetimore parlamentare./CNA





Lajmet e fundit nga