web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet Progres-Raporti i Komisionit Europian/ Kuvendi, mbikëqyrje të kufizuar ndaj Qeverisë

8 Nëntor 2023, 07:37, Politikë CNA

Zbardhet Progres-Raporti i Komisionit Europian/ Kuvendi, mbikëqyrje të

Këtë të mërkurë është zbardhur Progres-Raporti i Komisionit Evropian për Shqipërinë, ku janë prekur të gjitha fushat, mes tyre edhe zgjedhjet lokale të 14 majit.

Komisioni Evropian deklaron se Kuvendi ka mbikëqyrje të kufizuar ndaj Qeverisë.

“Mbikëqyrja e parlamentit mbi ekzekutivin mbeti e kufizuar. Deputetët kanë paraqitur tri kërkesa për interpelancë dhe një mocion me debat me kryeministrin. Kryeministri mori pjesë personalisht vetëm në një. Interpelanca të tjera janë zhvilluar me anëtarë të Këshillit të Ministrave. Mbikëqyrja parlamentare e punës së institucioneve të pavarura mbetet e kufizuar në shqyrtimin e raporteve të tyre vjetore dhe në një mjet digjital për të monitoruar ndjekjen e rekomandimeve të këtyre institucioneve.

Gjatë periudhës raportuese, opozita kërkoi ngritjen e dy komisioneve hetimore, por mazhoranca i hodhi poshtë të dyja kërkesat, pavarësisht se e drejta e opozitës për të inicuar komisione të tilla garantohet me Kushtetutë. Argumenti i mazhorancës në të dyja rastet ishte se është në shqyrtim një rishikim i ligjit për komisionet hetimore. Ligji aktual, megjithatë, mbetet në fuqi”, thotë KE.

Sa u përket zgjedhjeve, në raport thuhet se zgjedhjet e 14 majit 2023 u zhvilluan në një mënyrë përgjithësisht të qetë.

Megjithatë, KE vë në pah natyrën polarizuese për shkak të përçarjes së Partisë Demokratike.

Gjithashtu, në Progres-Raport përmendet pjesëmarrja e ulët në zgjedhje dhe shqetësimet e ngritura për keqpërdorimin e burimeve shtetërore, presionin mbi punonjësit e sektorit publik dhe votuesit dhe pretendimet për blerje votash.

“Për sa i përket kriterit politik, zgjedhjet lokale më 14 maj 2023 u zhvilluan në një mënyrë përgjithësisht të qetë. Vëzhguesit i vlerësuan ato si të miradministruara, konkurruese dhe me pjesëmarrjen e aktorëve kryesorë politikë. Shqetësimet lidhen me keqpërdorimin e burimeve shtetërore, pretendimet për presion mbi punonjësit e sektorit publik dhe votuesit dhe pretendimet për blerje votash. U regjistrua një pjesëmarrje e ulët prej vetëm 38.2%. Skena politike vazhdoi të karakterizohej nga polarizimi politik, në sfondin e përçarjeve të thella të vazhdueshme brenda partisë më të madhe opozitare. Mbikëqyrja parlamentare e ekzekutivit mbeti e kufizuar”, thekson KE./ CNA





Lajmet e fundit nga