web counter
LEXO PA REKLAMA!

SHKARKO APP

App Store
Google Play

Aksioni opozitar/ Berisha paralajmëron grevë urie: Betejat pa kthim kanë afat vetëm fitoren

8 Nëntor 2023, 13:06, Politikë CNA

Aksioni opozitar/ Berisha paralajmëron grevë urie: Betejat pa kthim

Ish-kryeministi Sali Berisha ka paralajmëruar se deputetët demokratë mund të futen në grevë urie nëse nuk plotësohen kërkesat e tyre.

Në një konferencë për mediat me gazetarët, Berisha nënvizoi se aksioni opozitar do të vijojë dhe nuk ka kthim prapa, duke mos përcaktuar se kur mund të nisë greva e urisë së deputetëve të opozitës. 

“Beteja vazhdon. Ne absolutisht jemi të vendosur të ecim drejt sakrificave më të forta për të rikthyer të drejtat tona kushtetuese sikundër shtoj këtu se çdo ditë dëshmon se në disa aspekte jemi të vonuar në këtë betejë. Ju e patë propozimin e Pashiq (ish-kryeministër serb) për Kosovën. E patë se si Pashiqi shqiptar propozonte që Radoiçiëët të bëheshin komandantë policorë në Kosovë. Ka edhe kurajon ta publikojë edhe pasi Radoiçiç doli udhëheqësi i një grupi terrorist. Cdo ditë që kalon, ky dëmton interesat e shqiptarëve. Ju kujtohet si anulloi takimin me qeverinë e Kosovës. Si u vërsul kundër Kurtit sepse kishte dorëzuar draftin që Radoiçiçt të bëheshin komandantë policorë në Kosovë. Deputetët do të shkojnë drejt grevës së urisë nëse nuk plotësohen kërkesat e tyre. Vendi do të përcaktohet. Betejat pa kthim kanë afat vetëm fitoren. Cila ditë apo cila java mbetet për tu përcaktuar. Parlamenti është futur nën tavolinë, është bërë virtual”, u shpreh Berisha.

Gjatë aksionit të opozitës javën e kaluar, Komisioni i Etikës përjashtoi 8 deputetë të PD-së për shkak të kaosit të krijuar në seancat plenare dhe komisionet parlamentare. Situata u agravua pas një përplasje fizike mes deputetit Bledion Nallbani dhe socialistit Vullnet Sinaj, çështje e cila ka kaluar në SPAK.CNA

 

 





Lajmet e fundit nga