LEXO PA REKLAMA!

SHKARKO APP

E fundit!

x

Foto pikante – Berisha dhe Koçiu përloten nga tymi, Sula debat me Braçen/ Çfarë nuk u pa nga Kuvendi

9 Nëntor 2023, 11:23, Politikë CNA

Foto pikante – Berisha dhe Koçiu përloten nga tymi, Sula debat

Një situatë kaotike u krijua në seancën plenare të kësaj të enjteje.

Opozita shkoi në Parlament rreth 40 minuta para se të fillonte seanca plenare dhe mblodhi në mes të sallës karriget e deputetëve.

Por kur socialistët erdhën, deputetët demokratë i lejuan ata të marrin karriget.

Sapo kryeparlamentarja Lindita Nikolla hapi seancën, deputeti Saimir Korreshi ndezi disa flakadanë, duke “pushtuar” të gjithë sallën e Kuvendit me tym.

Nikolla përjashtoi Korreshin, ndërsa ndërhyri edhe Garda e Republikës për të vënë nën kontroll situatën.

Megjithatë tensionet vijuan në Kuvend. Ministri i Brendshëm, Taulant Balla, mbajti një fjalim, ndërsa në të njëjtën kohë ish-kryeministri Sali Berisha doli "live" në “Facebook”.

Në pak minuta seancë plenare, Nikolla kaloi për votim disa projektligje, ku u rrëzuan 6 të tilla të propozuara nga opozita.

Vetëm 17 minuta pasi kishte nisur, kryeparlamentarja mbylli seancën. Të gjitha këto momente janë kapur me foto, të cilat ne po i sjellim me anë të një galerie.

Ndërkohë, nga foto vihet re se Berisha dhe ministrja e Shëndetësisë, Albana Koçiu janë përlotur për shkak të tymit, ndërsa një debat është zhvilluar edhe mes deputetëve Dashnor Sula dhe Erion Braçe./ CNA

Lajmet e fundit nga