LEXO PA REKLAMA!

SHKARKO APP

App Store
Google Play

Në prag të shkrirjes/ Sula: Bordi "Kap Ça Të Kapësh" në mision vjedhjeje deri ditën e fundit

17 Janar 2023, 21:02, Politikë CNA
Në prag të shkrirjes/ Sula: Bordi "Kap Ça Të
Deputeti Dashnor Sula

Ndonëse është në prag të shkrirjes, Bordi i Transparencës doli me një tjetër vendim për çmimet e karburanteve, ku rriti sërish naftën dhe benzinën.

Lidhur me këtë vendim, ka ardhur një reagim i ashpër nga deputeti Dashnor Sula, i cili e quan Bordin e Transparencës Bordi "Kap Ça Të Kapësh".

Me anë të një statusi në rrjetet sociale, Sula thotë se bordi po kryen misionin e tij të vjedhjes deri në ditën e fundit, ndaj kërkon që prokurorët të hetojnë vendimmarrjet.

"Bordi "Kap Ça Të Kapësh" në misionin për të vjedhur deri në ditën e fundit.

Bordi i ashtuquajtur i transparencës po kryen misionin e tij "Kap Ça Të Kapësh" deri në ditët e tij të fundit. E di se i ka ditët e numëruara pasi në 31 Janar Gjykata Kushtetuese do ta shfuqizojë, përfaqësuesit e oligarkëve në atë bord dhe ata të qeverisë dolën sot pas 3 javësh rritën sërish çmimin e naftës. Vendim që shkon përkundër pritshmërive.

Në prag të shkrirjes/ Sula: Bordi "Kap Ça Të

Tabela që shikoni në foto është ecuria e çmimit të naftës në bursën ndërkombëtare. 85 dollarë ka shkuar një fuçi, edhe më ulët se të niste lufta. Por për bordin "Kap Ça Të Kapësh" çmimi duhet të rritet. Kjo është qartazi vjedhje në xhepat e shqiptarëve përmes një mekanizmi të legalizuar nga qeveria.

Pasi Kushtetuesja mori në shqyrtim padinë që bëra me kolegët e mi për bordin e ushqimeve dhe të naftës, zëvendës kryeministrja dhe ministrja e financave lajmëruan shkrirjen e tyre, por mercenarët në atë bord po kryejn misionin e tyre në shërbim të oligarkëve dhe kundër qytetarëve deri në minutën e fundit.

Kjo është e patolerueshme.

Ndaj unë sot do të inkurajoja prokurorët që të hetonin vendimarrjen e bordit. Gjithadhtu edhe Autoriteti i Konkurencës dhe ai i Mbrojtjes së Konsumatorëve të analizojë situatën dhe të përdor mekanizmat ligjorë për ti ardhur në ndihmë qytetarëve", shkruan deputeti./ B.A. – CNA.al

Lajmet e fundit nga