web counter
LEXO PA REKLAMA!

SHKARKO APP

App Store
Google Play

"T'i mbrojmë gratë dhe vajzat"/ Rita Ora flet me lot në sy për rastin e 11-vjeçares në Kosovë

6 Shtator 2022, 12:59, Lifestyle CNA
"T'i mbrojmë gratë dhe vajzat"/ Rita Ora flet me lot
Rita Ora

Rita Ora është një ndër këngëtaret shqiptare më të suksesshme. Prej vitesh tashmë ajo është pjesë e tregut muzikor botëror, por asnjëherë nuk e harron vendin e saj të origjinës.

Prej disa ditësh tashmë ajo ndodhet në Shqipëri, e së fundmi ajo ka dalë në një konferencë për shtyp, ku nuk mund të mungonte një fjalim për rastin e 11-vjeçares, e cila u përdhunua në Kosovë. Me lot në sy dhe me zemrën në dorë, ajo u shpreh para gazetarëve se këtyre ngjarjeve duhet t'u kushtohet shumë rëndësi, në mënyrë që mos të përsëriten.

“Pak kohë më parë ajo që ndodhi në Kosovë na bëri të kujtojmë se sa e rëndësishme është të kemi një fokus në këto çështje të rëndësishme dhe sa e rëndësishme është të punojmë me fëmijët që këto mos të përsëriten. Shpresoj që prindërit dhe e ardhmja e vendit tonë të ndryshojë dhe ndihmojë gratë. Dhe bashkë me burrat të mësojnë për të drejtat e barabarta. Ju dërgoj gjithë respektin dhe dashurinë familjes së 11-vjeçares. Përveç kësaj dua t’i ftoj të gjithë të bëhen pjesë e koncertit në shesh dhe falënderoj Britaninë e Madhe për ndihmën dhe mbështetjen”.

Ditën e djeshme Presidenti i Shqipërisë, Bajram Begaj, dekoroi artisten me titullin “Naim Frashëri”, me motivacionin “Mirënjohje për aktivitetin dhe rolin e saj si ambasadore në çështje me ndjeshmëri të lartë kombëtare dhe globale”./CNA.al





Lajmet e fundit nga