web counter
LEXO PA REKLAMA!

SHKARKO APP

App Store
Google Play

Foto - Shpella e Piratëve, vendi magjepsës që duhet vizituar

3 Gusht 2024, 22:00, Kulturë CNA
Foto - Shpella e Piratëve, vendi magjepsës që duhet vizituar
Shpella e Piratëve, foto e marrë nga Google

Shumë pranë Manastirit të Shën Theodhorit dhe plazheve të Dhërmit ndodhet Shpella e Piratëve.

Me një thellësi prej 40 metrash, kjo shpellë është cilësuar nga gjeografët si më e madhja detare e vendit, me xhepa të shumtë brenda saj.

Hyrja e shpellës është e përbërë nga dy zgavra të mëdha. Brenda hapësirës së shpellës mund të dallohen masivet shkëmbore që përbëjnë faqet anësore të saj. Në muret e saj të lagështa vihen re shenja bloze dhe gjurmë zjarresh.

Në pjesën e sipërme ndodhet një zgavër në formë rrethore, prej së cilës depërtojnë rrezet e diellit.

Vendosur në shkëmbej thikë, në një det shumë të thellë që merr “ngjyrën e verës”, shpella ruan vlera të rëndësishme turistike, që të sjellin në kohërat e Mesjetës.

Sipas legjendës, shpella dikur ishte strehë e piratëve dhe anijeve.

Mënyra për të shkuar në këtë shpellë është nëpërmjet detit, ndaj edhe vera është koha ideale për ta vizituar.

Në verë deti është i qetë, ndërsa në dimër, dallgët që përplasen furishëm në shkëmbinjtë e shpellës, e bllokojnë hyrjen e saj.

Kjo shpellë është kthyer gjithmonë e më tepër në një atraksion turistik, për shkak të vendodhjes së saj, por edhe historisë dhe peizazhit magjepsës së ofron./ CNA





Lajmet e fundit nga