web counter
LEXO PA REKLAMA!

SHKARKO APP

App Store
Google Play

Bektashianët mbyllin Matemin/ Baba Mondi, mesazh për besimtarët

16 Korrik 2024, 16:29, Kulturë CNA
Bektashianët mbyllin Matemin/ Baba Mondi, mesazh për besimtarët
Kryegjyshi Botëror, Haxhi Dede Edmond Brahimaj. Burimi, CNA

Për 10 ditë radhazi, rreth 700 milionë besimtarë bektashinj në të gjithë botën mbajtën agjërim e zisë, Matemin.

Nesër, besimtarët myslimanë bektashiane alevianë do të kremtojnë në Selinë e Shenjtë të Kryegjyshatës Botërore Bektashiane, përfundimin e ditëve të Matemit dhe do të marrin pjesë në ceremoninë e Ashures.

Kremtimi do të mbahet në orën 10 të paradites, kushtuar dëshmorëve të Qerbelasë me Imam Hysejnin që luftuan për liri, për demokratizimin e jetës dhe për emancipimin e shoqërisë njerëzore të kohës.

Me këtë rast, Kryegjyshi Botëror, Haxhi Dede Edmond Brahimaj përcolli një mesazh për besimtarët.

"Për 10 ditë, bota bektashiane aleviane mbajtëm matem, mbajtëm zi për Qerbelanë, për 72 dëshmorët e saj me Imam Hysejnin në krye. Përkujtojmë sot Qerbelanë, dëshmorët e saj që luftuan për paqe në udhëheqjen arabe të kohës, për emancipim të jetës njerëzore, që të kishim liri, që të kishim jetë më të realizuar, që gruaja të kishte të drejta e të trajtohej njësoj si burri, që njerëzit të besojnë në një Zot të vetëm jo në idhuj dru, gurë ose në fenomene natyrore, por në një besim, në një profet, tek profeti Muhamed.

Zoti na pranoftë lutjet, na praanoftë gjithçka që bëhet për të mirë të njeriut”, tha ndër të tjera Baba Mondi./ CNA





11:46 Kulturë Agim Xhafka

JETA SI FILM…

Romeo dhe Elvira u njohën dhe u dashuruan në kombinat,...

Lajmet e fundit nga