web counter
LEXO PA REKLAMA!

SHKARKO APP

App Store
Google Play

Foto - Gjiri i Gramës, parajsa e fshehur që mbart histori

3 Gusht 2024, 17:48, Kulturë CNA
Foto - Gjiri i Gramës, parajsa e fshehur që mbart histori
Gjiri i Gramës, foto e marrë nga Google

Disa kilometra larg qytetit të Vlorës ndodhet Gjiri i Gramës, një parajsë e fshehur rrëzë shpatit të malit.

Ky gji që ka shërbyer si një vendstrehim për anijet që gjendeshin në vështirësi në kushte të vështira të motit, është kthyer në një nga atraksion turistik.

Çdo ditë, Gjiri i Gramës vizitohet nga turistët vendas dhe të huaj, të cilën përveç qetësisë që natyra u ofron, njihen edhe me historinë e këtij vendi.

Emri i Gramës është i lidhur me mbishkrimet e gdhendura që në antikitet. Në gjirin e Gramës numërohen, gjithsej, 1500 mbishkrime, të cilat mendohet se datojnë të paktën nga shekulli i 3-të para Krishtit e deri në fund të shekullit të 19-të.

Ky gji, fillimisht ka shërbyer si zonë e shfrytëzimit të gurit lokal, në gurore të mëdha, gjurmët e të cilave duken edhe sot në të dy shpatet.

Duke qenë një gji shkëmbor, bregu dominohet nga shkëmbinjtë bregdetarë të pjerrët, që bien vertikalisht në det, si dhe nga plazhe shkëmbore dhe me guralecë.

Ky vend përrallor po përmendet gjithmonë e më shumë edhe nga mediat ndërkombëtare krahas vendeve të tjera turistike, të cilat gjenden në Shqipëri./ CNA





Lajmet e fundit nga