web counter
LEXO PA REKLAMA!

SHKARKO APP

App Store
Google Play

E fundit!

x

Fati i Ervis Martinajt/ Zanafilla e ngjarjes dhe dyshimet e familjarëve

21 Shtator 2022, 20:30, Kronika CNA
Fati i Ervis Martinajt/ Zanafilla e ngjarjes dhe dyshimet e familjarëve
Ervis Martinaj

Fati i Ervis Martinajt mbetet ende një enigmë, në mes të deklarateve kontradiktore, ku disa besojnë se është i zhdukur dhe të tjerë është vrarë.

Sonte në emisionin e gazetares Klodiana Lala është bërë publike një pjesë e dëshmisë së babait të Ervis Martinajt.

Babait i të shumëkërkuarit të drejtësisë, Ervis Martinaj, në dëshminë e tij ka deklaruar se kontaktet me të birin i ka humbur më datë 9 gusht ora 19:30.

Ai thekson se, zhdukja e Martinajt ka ndodhur mes orës 19:30 deri në orën 22:00 të datës 9 gusht 2022, ndërsa shton se nuk ka asnjë dijeni për vendin dhe njerëzit që kanë marrë pjesë në rrëmbimin e tij.

Sipas tij, zanafilla e kësaj ngjarje lidhet me shpalljen e Ervisit në kërkim për krime të trilluara nga Dumani.

“Herën e fundit me Ervisin ka kontaktuar një njeri i afërt. Kontaktet me djalin i kam humbur më datë 9 gusht ora 19:30. Pas kësaj ore, ai nuk ka qenë në linjë. Zhdukja e tij sipas mendimit tim i takon orës 19:30 deri në orën 22:00 të datës 9 gusht 2022. Nuk kam asnjë dijeni për vendin dhe njerëzit që kanë marrë pjesë në rrëmbimin e tij. I afërmi që ka kontaktuar djalin nuk ndodhet në Shqipëri dhe mesa kam dijeni Ervisi nuk ka numër shqiptar.

Zanafilla e kësaj ngjarje lidhet me shpalljen e Ervisit në kërkim për krime të trilluara nga Dumani. Sqaroj se ndërprerjen e komunikimit dhe të zhdukjes së djalit i kam marrë vesh nga i afërmi imi i cili jeton jashtë shtetit. Dyshoj se Ervisit mund t’i ketë ndodhur diçka e keqe nga grupe kriminale”, thotë babai i Martinajt në dëshminë e tij./ CNA.al

 





Lajmet e fundit nga