LEXO PA REKLAMA!

SHKARKO APP

E fundit!

x

Sekuestrohen 2 ton naftë kontrabandë/ Arrestohet 47-vjeçari në Kashar

21 Shtator 2022, 11:53, Kronika CNA
Sekuestrohen 2 ton naftë kontrabandë/ Arrestohet 47-vjeçari
Foto ilustruese

Policia e Tiranës ka arrestuar një 47-vjeçar, të cilit iu gjet një sasi e konsiderueshme nafte të kontrabanduar në banesë.

Bëhet e ditur se në pranga u vu 47-vjeçari A. H., banues në Kashar, pasi në ambientet e jashtme të banesës së tij u gjet një depozitë metalike, e mbushur me 2000 litra naftë, të dyshuara të kontrabanduara.

Njoftimi i policisë:

Tiranë / Sekuestrohen 2 tonë naftë e kontrabanduar, vihet në pranga 47-vjeçari që e mbante naftën në një depozitë në banesë, me qëllim tregtimin e saj. Finalizohet operacioni policor i koduar "Diesel 3". Operacioni, nga Seksioni për Hetimin e Krimit Ekonomik dhe Financiar në DVP Tiranë, në vijim të operacioneve të njëpasnjëshme policore ndaj kësaj veprimtarie kriminale.

Specialistët e Seksionit për Hetimin e Krimit Ekonomik dhe Financiar të DVP Tiranë, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës së mallrave, bazuar dhe në informacionet e marra në rrugë operative, se një shtetas tregtonte naftë të kontrabanduar, në banesën e tij, në Kashar, organizuan dhe finalizuan operacionin policor të koduar "Diesel 3".

Si rezultat i këtij operacioni u arrestua në flagrancë shtetasi A. H., 47 vjeç, banues në Kashar, pasi në ambientet e jashtme të banesës së tij u konstatua një depozitë metalike, e mbushur me 2000 litra naftë, të dyshuara të kontrabanduara. Nga veprimet hetimore ka rezultuar se 47-vjeçari e mbante naftën e kontrabanduar, me qëllim tregtimin e saj. Materialet i kaluan Prokurorisë, për veprime të mëtejshme procedurale./CNA.al

 

Lajmet e fundit nga