web counter
LEXO PA REKLAMA!

SHKARKO APP

App Store
Google Play

Merret peng 17-vjeçarja në Kavajë/ Familja alarmon policinë

21 Shtator 2022, 14:43, Kronika CNA
Merret peng 17-vjeçarja në Kavajë/ Familja alarmon
Foto ilustruese

Një 17-vjeçare është marrë peng gjatë ditës së djeshme në Kavajë.

Mësohet se e reja është marrë me forcë nga dy të rinj, një 23-vjeçar dhe një 18-vjeçar dhe është mbajtur për disa orë në një ambient në qytet duke u dhunuar prej tyre.

Pas ndërhyrjes së policisë, e reja është liruar, ndërsa janë arrestuar dy të rinjtë, të cilët ishin me banim në Peqin.

Nuk dihet ende shkaku i këtij veprimi, ndërsa policia ka marrë dëshminë e vajzës si edhe të dy pengmarrësve.

Policia bën me dije:
Falë veprimeve profesionale policore nga specialistët për Hetimin e Krimeve në Komisariatin e Policisë Kavajë, janë arrestuar në flagrancë, në një kohë rekord, shtetasit:
– A. D., 23 vjeç, banues në Peqin, për veprat penale “Heqja e paligjshme e lirisë”, “Kanosja” dhe “Plagosja e lehtë me dashje”, të kryera në bashkëpunim;
– A. H., 18 vjeç, banues në Peqin, për veprat penale “Heqja e paligjshme e lirisë”, “Kanosja”, “Plagosja e lehtë me dashje”, të kryera në bashkëpunim dhe “Prodhimi, mbajtja, blerja apo shitja pa leje e armëve të ftohta”.
Këta shtetas, në bashkëpunim me njëri-tjetrin, ditën e djeshme, i kanë hequr lirinë një shtetaseje 17 vjeçe, duke e mbajtur në një ambient që aktualisht nuk është në përdorim, si dhe kanë ushtruar dhunë ndaj saj. Gjatë kontrollit fizik ndaj shtetasit A. H., shërbimet e Policisë gjetën dhe sekuestruan, në cilësinë e provës materiale, një dorezë metalike (përforcues grushti)./CNA.al

 





Lajmet e fundit nga