LEXO PA REKLAMA!

SHKARKO APP

E fundit!

x

‘100-500 dollarë për një vrasje’/ Kush e eliminoi Ergys Dashin? Hoxha zbardh prapaskenat e forta

21 Shtator 2022, 14:34, Kronika CNA
‘100-500 dollarë për një vrasje’/ Kush e eliminoi
Artan Hoxha

Gazetari investigativ, Artan Hoxha, i cili pak ditë më parë ishte në Ekuador, dhe pikërisht në lokalin ku ekzekutua Ergys Dashi nga një vrasës me pagesë, ka zbardhur detaje nga takimi me menaxherin e lokalit.

Hoxha shprehet se në Guayaquil, vrasësit i gjen me shumicë në rrethinat e qytetit ku jetohet në varfëri ekstreme, për pagesa qesharake, nga 100 deri 500 dollarë.

Kur kanë kaluar 8 muaj nga ky atentat, autoritetet vendase jo vetëm nuk kanë gjetur vrasësit, por duket se as qe kanë ndërmend të merren, me atë që ka ndodhur.

Për ta, shqiptarët, vijnë nga një vend ekzotik krejt i panjohur dhe i cilësojnë përgjegjës për fatin e tyre, pasi janë përfshirë në nivele të lartë, në trafikun ndërkombëtar të kokainës.

Sipas Hoxhës, kreu i kartelit me të cilin punonte Ergys Dashi, u vra vetëm pak kohë para ekzekutimit të shqiptarit. Hoxha u shpreh se Dashi kishte lidhje të ngushta me kreun e kartelit madje ishte kumbari i fëmijës së tij. Por pas vrasjes së bashkëpunëtorit, Ergys Dashi, zgjodhi të mos largohej nga Ekuadori. Sipas Hoxhës kjo u mor si një sfidë e hapur nga kundërshtarët dhe kryen eliminimin e tij fizik.

“Ekzekutimi i Ergys Dashit ndodhi pasi ai pati një ngatërrim me kartelet atje. Një nga drejtuesit që ai punonte, dhe që ishte kumbari i fëmijës së tij u ekzekutua më parë. Ergys Dashi nuk ishte larguar nga Ekuadori. Dihej lidhja dhe njohja që ai kishte me atë person që u vra. Ishte marrë si një sfidë dhe qëndrimi aty. Kundërshtarët organizuan vrasjen e tij.” tha Artan Hoxha.

Një detaj tjetër i zbuluar nga Hoxha ishte fakti se gjithçka në Ekuador organizohej nga bosët shqiptarë që ndodhi  në Dubai.

“Shuarje e konflikteve mes shqiptarëve varet nga ekuilibrat që vendosen në Dubai, nga të paprekshmit që ndodhen atje. Në Ekuador pashë përmasat se ekonomisë që kanë këto grupe. E kanë buxhetin shumë më të madh se ministria e Brendshme. Shanse nuk ke me ta. Nuk e fiton dot luftën me to.” tha Hoxha./CNA.al

Lajmet e fundit nga