web counter
LEXO PA REKLAMA!

SHKARKO APP

App Store
Google Play

E fundit!

x

Luftë brenda kartelit/ Artan Hoxha tregon rolin e shqiptarëve në trafikun e drogës në Ekuador

21 Shtator 2022, 13:48, Kronika CNA

Luftë brenda kartelit/ Artan Hoxha tregon rolin e shqiptarëve në

Gazetari investigativ, Artan Hoxha, ka rrëfyer udhëtimin në Ekuador, dhe si funksionon atje tregtia e drogës.

Në studion e "ABC Live", ka treguar për rrugëtimin e tij disaditor në Amerikën Latine, ku pa nga afër se si shqiptarët organizonin trafikun e kokainës në Ekuador.

Hoxha tha se në Ekuador gjithçka drejtohej nga burgu, pasi kokat më të mëdha të karteleve ndodheshin pas hekurave, por kjo nuk i pengonte që të organizonin grupet e tyre.

Mes të tjerash gazetari u shpreh se aktualisht si një nga kokat më të mëdha të karteleve në Ekuador, ishte një person i njohur me nofkën Fito.

“Në Ekuador gjithçka jashtë drejtohet nga burgu. Drejtuesit kryesorë ishin në burg dhe organizonin gjithçka tjetër jashtë. Ishte një luftë shumë e madhe brenda kartelit.

Aktualisht në krye është Fito, me nofkë të tillë njihej. Kontaktova me të nëpërmjet shqiptarëve atje. Shqiptarët atje ishin të rëndësishëm. Janë pjesë, si përfaqësues të organizatave të rëndësishme që lëvizin drogë nëpërmjet tregut europian dhe Shqipërisë”, tha Hoxha.

Sipas tij, shqiptarët në Ekuador çonin apo sillnin dhe para, ishin njerëzit që sillnin para nga tregu më i pasur, tregu i BE-së.

“Ekuadori është vend tranziti, droga vjen nga Kolumbia dhe Peruja, që janë prodhuesit më të mëdhenj të drogës. Kishte dhe kombësi të tjera, përveç shqiptarëve, aty ishin dhe italianët, holandezët, rusët dhe nuk janë vetëm shqiptarët. Shqiptarët ishin garantë me kartelet vendase, mbylljen e llogarive dhe të pagesave që duheshin bërë aty. Kishte pasur edhe shqiptarë të Kosovës.

Kishte dhe një element tjetër shumë interesant, dalloheshin nga zona ku qëndronin, qëndronin në një zonë të caktuar, te zona më e sigurt, ku qëndronin dhe politikanët dhe biznesmenët vendas, dhe kartelet nuk ndërhynin në atë zone”, ka thënë Hoxha.





Lajmet e fundit nga