LEXO PA REKLAMA!

SHKARKO APP

Plagosi me armë zjarri fqinjin, arrestohet i riu në Tiranë

19 Shkurt 2024, 09:29, Kronika CNA
Plagosi me armë zjarri fqinjin, arrestohet i riu në Tiranë
Foto ilustruese

Policia e Tiranës ka njoftuar se është vetëdorëzuar 31-vjeçari me iniciale A.K., i cili një ditë më parë, gjatë një sherri, plagosi me armë zjarri fqinjin e tij në rrugën “Haki Shehu”. 

Si pasojë, shtetasi Xh. K. është dëmtuar, por ndodhet jashtë rrezikut për jetën. 

Njoftimi i Polici: 

Vetëdorëzohet në Polici, 31-vjeçari që plagosi me armë zjarri fqinjin e tij, më datë 17.02.2024. Sekuestrohet arma e zjarrit pistoletë e dyshuar e përdorur për plagosjen dhe sasi municioni luftarak.

Specialistët e Seksionit për Hetimin e Krimeve Ndaj Personit në DVP Tiranë ndaluan shtetasin A. K.(K)., 31 vjeç, banues në Tiranë.

Ky shtetas, më datë 17.02.2024, rreth orës 17:35, në rrugën “Haki Shehu”, Tiranë, është konfliktuar për motive të dobëta, me fqinjin e tij, shtetasin Xh. K., dhe gjatë konfliktit e ka qëlluar atë me armë zjarri.

Si pasojë shtetasi Xh. K. është dëmtuar. Aktualisht ndodhet jashtë rrezikut për jetën.

Në cilësinë e provës materiale u sekuestrua arma e zjarrit pistoletë, e dyshuar e përdorur gjatë ngjarjes, dhe sasi municioni luftarak.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjjthshëm Tiranë, për veprime të mëtejshme./CNA 

Lajmet e fundit nga