LEXO PA REKLAMA!

SHKARKO APP

Pengmarrje, grabitje me armë dhe plagosje/ Kapet 29-vjeçari i kërkuar ndërkombëtarisht

18 Shkurt 2024, 11:12, Kronika CNA
Pengmarrje, grabitje me armë dhe plagosje/ Kapet 29-vjeçari i
Foto ilustruese

Një tjetër person në kërkim ndërkombëtar është vënë në prangat e policisë.

Mësohet se në sajë të operacionit policor të koduar "Weekend" është kapur në Tiranë 29-vjeçari me iniciale A. B.

Ai kërkohej nga autoritetet gjermane për pengmarrje, grabitje me armë, heqje të paligjshme të lirisë dhe plagosje të rëndë me dashje.

Arrestimi i tij është kryer nga blutë me qëllim ekstradimin drejt Gjermanisë.

“Shërbimet e Sektori i Forcës së Posaçme "Shqiponja", në bashkëpunim me Sektorin për Operacionet Speciale dhe Kërkimin, dhe Sektorin për Hetimin e Krimeve të Rënda ndaj Personit, në vijim të punës për kapjen e shtetasve të shpallur në kërkim ndërkombëtar, bazuar në inteligjencën informative mbi vendndodhjen e një shtetasi në kërkim, kanë organizuar dhe finalizuar operacionin policor të koduar “Ëeekend".  

Gjatë operacionit, shërbimet e Policisë kanë kapur në bulevardin "Zhan D'Ark", dhe kanë arrestuar me qëllim ekstradimin, shtetasin Aneo Buzi, 29 vjeç.

Ky shtetas ishin shpallur në kërkim ndërkombëtar, pasi Gjykata Lokale e Osnabruck, Gjermani, e ka dënuar me 6 vjet e 6 muaj burgim, për veprat penale "Pengmarrja", "Grabitja me armë", "Heqja e paligjshme e lirisë", dhe "Plagosja e rëndë me dashje", parashikuar nga Kodi Penal i Gjermanisë.       

Interpol Tirana vijon procedurat për ekstradimin e këtij shtetasi në Gjermani”, thuhet në njoftimin e policisë./ CNA

Lajmet e fundit nga