web counter
LEXO PA REKLAMA!

SHKARKO APP

App Store
Google Play

Vrasja e biznesmenit/ Portugezi refuzon të bëhet bashkëpunëtor i drejtësisë

17 Shkurt 2024, 09:44, Kronika CNA
Vrasja e biznesmenit/ Portugezi refuzon të bëhet
Ardian Nikulaj

Portugezi Ruben Saraiva, i cili u ekstradua drejt Shqipërisë në fund të vitit të kaluar, ka refuzuar që të bashkëpunojë me organet e drejtësisë për vrasjen e biznesmenit Ardian Nikulaj në Shëngjin. 

Raportohet se 28-vjeçari është marrë në pyetje për rreth 2 orë në Drejtorinë Vendore të Policisë në Lezhë, në prani dhe të dy prokuroreve të çështjes Erjon Shehaj dhe Françesk Ganaj.

Gjatë bisedës me portugezin përfaqësuesit e organit të akuzës, mësohet t’i kenë ofruar dhe bashkëpunim në këmbim të lehtësimit të pozitave penale, por Ruben Saraiva ka mohuar përfshirjen e tij në ngjarjen e rëndë të Shëngjinit.

Por gjatë bisedës, ai ka pranuar njohjen me Edmond Haxhinë (dyshohet organizatori i atentatit), ku krahas pranisë së tij me pushime në Shqipëri ka pohuar se kishin bërë plan të mbillnin lëndë narkotike.

Gjykata për të ruajtur sigurinë e shtetasit Portugez, Ruben Saraiva është dërguar në burgun 313 në Tiranë, ku po qëndron në pritje për tu përballur me drejtësinë.

Kujtojmë se vrasja e Ardian Nikulajt ndodhi në prill të vitit 2023. Nikulaj ndodhej në lokalin e tij ku vrasësi me pagesë hyri në lokal dhe i zbrazi pistoletën.

Të arrestuar në Britaninë e Madhe për këtë ngjarje janë Edmond Haxhia, Stephen Hunt, Thomas Mithan, Harriet Bridgeman dhe Harry Simson, për të cilët ende nuk ka një vendim ekstradimi në Shqipëri./CNA

 





Lajmet e fundit nga