web counter
LEXO PA REKLAMA!

SHKARKO APP

App Store
Google Play

Tentoi të digjte makinën dhe supermarketin/ Kapet 41-vjeçari në Vaun e Dejës

18 Shkurt 2024, 10:45, Kronika CNA
Tentoi të digjte makinën dhe supermarketin/ Kapet 41-vjeçari
Foto ilustruese

Policia ka vënë në pranga një 41-vjeçar që tentoi të digjte me lëndë djegëse, një automjet dhe fasadën e një supermarketi.

Bëhet fjalë për shtetasin me iniciale Gj. D., 41 vjeç, banues në fshatin Stajkë, në Vaun e Dejës.

Në datën 15 shkurt ai ka hedhur një shishe me lëndë djegëse në drejtim të fasadës së supermarketit me administrator shtetasin L. M., 41 vjeç. Fatmirësisht nuk janë shkaktuar dëme nga ky veprim.

Gjithashtu, më 17 shkurt 41-vjeçari ka hedhur një shishe me lëndë djegëse, në drejtim të automjetit tip “Benz”, në pronësi të shtetasit B. S., 49 vjeç.  

“Tentoi të digjte me lëndë djegëse, një automjet dhe fasadën e një supermarketi, falë veprimeve të thelluara hetimore, identifikohet dhe arrestohet autori i dyshuar i këtyre rasteve.

Vihet në pranga një 41-vjeçar. 

Si rezultat i veprimeve të thelluara hetimore për zbardhjen e 2 rasteve të tentativës së shkatërrimit të pronës me zjarr, të ndodhura ditët e fundit, specialistët për Hetimin e Krimeve të Komisariatit të Policisë Vau i Dejës bënë të mundur identifikimin, kapjen dhe arrestimin e autorit të dyshuar, shtetasit Gj. D., 41 vjeç, banues në fshatin Stajkë. 

Ky shtetas dyshohet se më datë 15.02.2024, ka hedhur një shishe me lëndë djegëse në drejtim të fasadës së supermarketit me administrator shtetasin L. M., 41 vjeç, banues në Shkodër, pa shkaktuar dëme.

Gjithashtu, më datë 17.02.2024, ka hedhur një shishe me lëndë djegëse, në drejtim të automjetit tip “Benz”, në pronësi të shtetasit B. S., 49 vjeç, banues në fshatin Shelqet.  

Vijon puna hetimore për zbardhjen e rasteve të tjera të shkatërrimit të pronës, që mund të jenë kryer nga ky shtetas. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”, thuhet në njoftimin e policisë./ CNA





Lajmet e fundit nga