LEXO PA REKLAMA!

SHKARKO APP

Pjesë e një grupi kriminal në Itali/ Arrestohet 41-vjeçari në Kamëz

18 Shkurt 2024, 10:00, Kronika CNA
Pjesë e një grupi kriminal në Itali/ Arrestohet 41-vjeçari
Foto nga arrestimi

Policia ka arrestuar një 41-vjeçar nga Kamza, të shpallur në kërkim ndërkombëtar.

Blutë bëjnë me dije se shtetasi me iniciale P. S. u lokalizua dhe u arrestua provizorisht, për t’u ekstraduar në Itali.

Ai ishte i shpallur në kërkim ndërkombëtar nga autoritetet italiane, pasi Gjykata e Perugias, Itali, në vitin 2023, ka caktuar masën e sigurisë “Arrest në burg”.

41-vjeçari akuzohet se ka konsumuar veprën penale "Pjesëmarrje në grup të strukturuar kriminal me qëllim trafikimin e narkotikeve".

Sipas bluve, në vitin 2022, shtetasi P. S. në bashkëpunim me disa persona të tjerë krijuan grup kriminal me qëllim trafikimin dhe më pas shitjen e kokainës në sasi të ndryshme, por u zbuluan nga autoritetet e shtetit fqinj.

Tashmë, Interpol Tirana dhe Interpol Roma po bashkëpunojnë për të kryer ekstradimin e tij./ CNA

 

Lajmet e fundit nga