“Të kam dërguar dhuratë për Vitin e Ri”/ Zbardhen përgjimet e avokatëve, kërkuan 5 mijë euro për lehtësim mase

17 Shkurt 2024, 15:59, Kronika CNA

“Të kam dërguar dhuratë për Vitin e Ri”/

5 persona tentuan të bëjnë korrupsion në Gjykatën e Apelit të Korçës për të lehtësuar masën e sigurisë për Blerand Kozici, i arrestuar për trafik klandestinësh në Korçë.

Këtë të shtunë janë zbardhur detaje nga dosja e SPAK, ku janë nën hetim Nikolla Hafëzllari, Blerand Kozici, Nikolla Jesku, Dritan Tabaku, Artiana Kozici dhe Djana Kodra.

Në tabulatet telefonike, të publikuara nga Anila Hoxha, dalin bisedat ku avokatët dhe personat e përfshirë në këtë rast korrupsioni bisedojnë për “dhurata”.

Mesditën e 5 janarit 2023, Kodra i thotë Hafësllarit se i ka dërguar një dhuratë për “Vitin e Ri” me Nikolla Jeskun, i njohur me pseudonimin “Dashi”.

Pjesë nga biseda:

Kodra: Aloo!

Hafësllari: Alo!

Kodra: Hë mo Imi, ça po bën?

Hafësllari: … mirëmëngjes… mirë… si tt?

Kodra: … faleminderit… nga je ti kshu??

Hafësllari: Pogradec!!

Kodra: Ehhh….

Hafësllari: Çar bën ti? Si ke qenë??….

Kodra: Rrofsh, gëzuar, ore dëgjo pak, të kam dërguar një porosi me Dashin unë ty!

Hafësllari: Çar?