Krimi në Korçë/ Njëri prej autorëve fajëson dy kushërinjtë, ja kush e vrau Martin Çeçon

20 Qershor 2022, 15:05, Kronika CNA

Krimi në Korçë/ Njëri prej autorëve fajëson dy

Gjykata e Korçës ka vendosur masën e sigurisë arrest me burg për 3 autorët e vrasjes së 26 vjeçarit Martin Çeço në Maliq.

Për 3 të pandehurit Bleti Angjo dhe dy kushërinjtë Valter e Edlir Mollaj rëndon akuza vrasje me paramendim e kryer në bashkëpunim.

Sipas avokatit të njërit prej të arrestuarëve, Bleti Angjo, ka thënë se autori I krimit është Valter Mollaj.

Dinamika e ngjarjes është zbardhur nga deklarata fillestare e Angjos i cili ka treguar për policinë se autor i vrasjes është Valter Mollaj, i cili ka qenë në lidhje me një vajzë e cila është bërë shkak për ngjarjen, shkruan Abc neës.

Sipas avokatit, ekzekutori i 26 vjeçarit është Valter Mollaj, ndërsa dy të tjerët janë bashkëpunëtorë dhe ndihmës në krim. Vajza sipas të dhënave ka pasur lidhje me Valter Mollajn, dhe i ka treguar këtij të fundit që kishte komunikim edhe me Martin Çeçon.

Gjatë seancës të tre kanë mbajtur qëndrim mohues duke mos pranuar krimin. Madje, edhe vetë Bleti Angjo i cili bashkëpunoi me policinë, ka heshtur.

 

Lajmet e fundit nga