web counter
LEXO PA REKLAMA!

SHKARKO APP

App Store
Google Play

E fundit!

x

Investigimi i CNA-së/ Drejt një afere tjetër të madhe në kryeqytet

16 Mars 2026, 12:18, Denoncim CNA

CNA ka nisur një investigim në lidhje me vendosjet e reklamave në kryeqytet.

Ne i jemi drejtuar me një shkresë zyrtare Bashkisë së Tiranës, ende nuk kemi marrë përgjigje, si për shumë shkresa të tjera po presim të kthehet përgjigjja zyrtare me gjithë të dhënat e kërkuara.

Do të vazhdojmë, në rast se nuk na kthehet një përgjigje, duke ia dërguar Komisionerit për të Drejtën e Informimit dhe personat përgjegjës të mbajnë mbi supe përgjegjësinë administrative.

Në rast se nuk do të reflektojnë, do të shkojmë deri në ndjekjen e tyre penale për shpërdorim detyre, pasi jemi të bindur se ne kemi investiguar dhe jemi duke zbuluar një aferë shumë të madhe brenda Bashkisë së Tiranës.

Por të presim derisa bashkia të përgjigjet zyrtarisht.

Fakti që Mero Baze reagon pas shkresave tona, flet jo pak. Disa ditë pasi ne i jemi drejtuar zyrtarisht Bashkisë Tiranë, gazetari i familjes Veliaj shfaqet i shqetësuar pse duhet të hetohet Arbri, vëllai i kryebashkiakut.

Reagimi na tregon se janë shqetësuar për investigimin tonë dhe kërkojnë ta kanalizojnë në skema me prokurorët dhe SPAK-un siç kanë bërë gjithmonë.

Në rast se do të verifikohet gjithçka dhe do të dalë e vërtetë gjithçka që ne po investigojmë, ne kemi të bëjmë me një skemë edhe më të madhe se 850 mijë eurot e blerjeve të Ajola Xoxës, apo mënyrës së përfitimit të kompanive të saj dhe të tretëve, që kanë marrë në Bashkinë e Tiranës.

Gjithçka kalonte nëpërmjet projekteve, por këtë herë është në fushën e reklamave dhe aktiviteteve që zhvillonte Bashkia e Tiranës, ku nën investigimin tonë, Arbër Veliaj është një nga bashkëpunëtorët dhe përfituesit, ashtu sikundër Ajola Xoxa.

Dhe meqë Baze kishte hallin e “ONE”, ka një skemë të qartë, Arbër Veliaj administron reklamat e kompanisë, ajo përfiton nga Bashkia e Tiranës kontrata, deri tek emra rrugësh për drejtorët e “ONE”.

Ne po presim përgjigjen e Bashkisë së Tiranës. Fakti që shkruan Mero Baze menjëherë pas dërgimit të shkresës nga CNA, që e keni këtu më poshtë, gjithçka do të zbulohet edhe më qartë në ditët në vijim./ CNA

Investigimi i CNA-së/ Drejt një afere tjetër të madhe
Shkresa e CNA drejtuar Bashkisë së Tiranës




Lajmet e fundit nga