web counter
LEXO PA REKLAMA!

SHKARKO APP

App Store
Google Play

E fundit!

x

Gruaja gris faturën para kamerës, fermerët blenë aty fidanë të lakrës me dy koka

13 Mars 2026, 22:13, Denoncim CNA

Gruaja gris faturën para kamerës, fermerët blenë aty

Në fshatin Jagodinë, Elbasan, disa fermerë i janë drejtuar redaksisë  së emisionit “Stop”, duke denoncuar një problem me prodhimin e lakrës me dy koka, që sipas tyre u ka dëmtuar rëndë ekonominë.

Fermerët thonë se produkti nuk po gjen treg dhe dëmet për secilin prej tyre arrijnë nga 8 deri në 20 milionë lekë të vjetra. Sipas tyre, problemi lidhet me farën e lakrës që kanë përdorur.

“Kam 10 vjet që merrem me këtë punë, mbjell lakër Brukseli. Farën e marrim tek zoti Agim Boja, kemi marrë fidanë. Në nëntor unë e kam mbjellë, produkti duhet të ishte gati për treg. Por, në fakt ka dalë e gjithë lakra me dy koka. Hera e parë. Tregu nuk e merr këtë, se tregu do me një kokë. Është me defekt”, tha një nga fermerët.

Për këtë arsye, ata i janë drejtuar prodhuesit të farës, Agim Boja, i cili mohon përgjegjësinë dhe shprehet se fenomeni mund të jetë shkaktuar nga kushtet klimaterike dhe jo nga fara.

Gazetarja shkoi pranë subjektit të prodhimit të farës, ku bashkëshortja e Agim Bojës deklaroi se nuk i njihte fermerët që pretendonin se kishin blerë farën aty, duke grisur edhe faturën para kamerës.

Megjithatë dy agronomë, Briani dhe Mikel Hoxha, konfirmuan se fara ishte shitur nga ky subjekt dhe njëri prej tyre pranoi se mund të ketë pasur probleme me farën.

Për këtë fenomen u pyetën edhe disa specialistë të bujqësisë. Agronomë të ndryshëm dhanë dy versione: disa e lidhin problemin me farën, ndërsa të tjerë me kushtet klimaterike dhe procesin e rritjes së fidanit.

Nga Drejtoria Rajonale e Bujqësisë Elbasan, përgjegjësja e AREB, Luljeta Bodurri, deklaroi se institucioni është në dijeni të rastit dhe është ngritur një grup pune për të hetuar situatën. Sipas saj, nëse rezulton se problemi ka ardhur nga fara, fermerët do të dëmshpërblehen./ Tv Klan 





Lajmet e fundit nga