web counter
LEXO PA REKLAMA!

SHKARKO APP

App Store
Google Play

E fundit!

x

“Zhulsa, idiote, lopë, arushë e rënë në qytet”, mësuesja terror nxënësve të mitur

24 Shkurt 2026, 22:05, Denoncim CNA

“Zhulsa, idiote, lopë, arushë e rënë në

Lidhur me dhunën fizike dhe psikologjike, që mësuesja Mine Hasani e shkollës 9-vjeçare “100-vjetori i Pavarësisë” në Kamëz, përdor ndaj nxënësve, instalimi për ditë me radhë i kameras së fshehtë ka sjellë materiale shokuese.

Nga pamjet e ditëve të tjera rezulton, se mësuesja u drejtohet fëmijëve, me shprehje si: “zhulsa, idiotë, kokë lopë, rob të trashë, terroristë, apo arushë e rënë në qytet.

(Dita e katërt)

Mësuesja – Te zero katra! Te zero katra! A jam te zero katra? Ku te zero katra është ajo? Ku është? Ku a-ja, ku është?

Nxënësit – Mësuese me leje? Ta bëj unë?

Mësuesja –Ku është a-ja? Ec! Këtu, këtu! Ku shkon? Zhulsat e dreqit! Kur foli unë, më dëgjoni mua! Nuk jam tu u vra. Se u them unë jeni qorru, nuk jeni bo qorra me dy sy, po s’e keni pa. Sytë i keni si drita. Shkëlqeni të gjithë! Unë jam me katër sy. Opa… Jam me katër. Kjo b-ja me b1-shin, a janë simetrike?

Mësuesja – S’paske mësu kurrgjo o idiot! O kokë lopë! O kokë lopë! Lopë, lopë! Hë, rri mirë!

Mësuesja –A s’e keni me mësuesen fare… (Nuk kuptohet) u ndatë më shumë se 90-të deri mbi 90-të .. Rri mo mir tashi, se më lodhe! Rri o, se m’u tha fyti! Nuk jam si ty mor, tërë kohën m’u tha fyti, ore! Njeri jam dhe unë, nuk jam robot.

Mësuesja –Po ky e ke bo ti te dyshi? Moj, dy të raftë topi mu në lule të ballit! Ngjit me njishin, këtu, këtu është. Të marrtë dreqi, ju marrtë, se ma shpifët! Ku o D1-shi? Ku o D1-shi? Hë! Vazhdojmë! Ku o D1-shi? Hë vazhdojmë. Ku o d1-shi? Uaaa, ju jeni na, moj mësuese! ( I bie dërrasës)

Mësuesja –Drejtëza është kjo, kurse segmenti është kjo, kur e kufizon. Ik mo, se s’merrem… S’mbushem me ju. Ju jeni s’mbushni. Ju jeni veç të hani, hani.

Mësuesja –Pushtuesit Osmanë ishte ushtria turke. Shif te libri, se ta hëngra shpirtin! Merre lapsin! Gjë e keqe!

Mësuesja –Shkruj këtu! Veri, Jug, Lindje, Perëndim! Shkruji! Shkruji! Sepse para meje je, për të mësuar jam. Ma shpifët! Rob të trashë, s’kuptojnë kurrgjo. Ku është fillimi? Veri është fillimi? Ku është? Ku është? Ku është fillimi? Ku është fillimi?

Mësuesja –Ku po shkon? Ku po shkon? Ku je tu shku më? Ku je tu shku? Hë, thuj! Ku? Ku je tu shku tashi? Po këtej, si quhet?

Nxënësja – Veri!

Mësuesja –Veri!

Mësuesja –Veri, Jug, Perëndim, Lindje.Të plaçin turinjtë, të plaçin! Të plaçin turinjtë, të plaçin! Çe, çe, çe, çe, oj terroriste, oj tangërlliste! Një ditë po, një ditë jo. Fytyrë e keqe! Shko ulu! Gjë e keqe! Ra arusha në qytet!

Mësuesja –(Këndon) Trim mbi trima ishte Mic Sokoli apo Skënderbeu? Skënderbeu, trim mbi trima ishte Skënderbeu. Ahhhh, e ka bo bukur ky.

Mësuesja –Ky, shife, shife, si e ka librin! Pa plotësu fare. Ky shkencëtari, ky docenti, kjo doktor… Ky ka mbaruar doktoraturën, ky! Ja, ja libri bosh! Ah, mos më ardhtë, mos më ardhtë mbas pushimit prindi, mos më ardhtë, po s’ta mora shpirtin!

Bëhet fjalë për nxënës të mitur të ciklit fillor, ku sipas denoncimit, përveç dhunës fizike e verbale, ka pasur edhe sjellje intimidimi dhe presioni psikologjik gjatë orëve të mësimit.

Rasti ka ngritur shqetësime serioze mbi sigurinë dhe mirëqenien e fëmijëve në ambientet shkollore./ tv klan





Lajmet e fundit nga