Katrahura në QSUT/ Pse heshtin institucionet që duhet të mbajnë përgjegjësi?

4 Shkurt 2026, 16:15, Denoncim CNA

Katrahura në QSUT/ Pse heshtin institucionet që duhet të

CNA ka kryer prej ditësh një vëzhgim, prej së cilit ka konstatuar një sjellje të turpshme dhe kafshërore nga qytetarët. Janë filmuar ambiente të mbushura me plehra, plastikë, me bishta cigaresh.

Një pamje e shëmtuar, ulëritëse, neveritëse!

Një tjetër fenomen që u evidentua është pirja e duhanit brenda ambienteve spitalore nga qytetarë që, pasi tymosin, i flakin bishtat e cigareve nga dritaret në tarracat e godinës së spitalit.

SKANDAL/ “O sa mirë me qenë shqiptar”, plehrat në urgjencën e QSUT
30 Janar, 12:35

Po ashtu me pamje të dokumentuara, CNA tregoi gjatë vëzhgimit se si vetë qytetarët nuk zbatojnë rregulloren e spitalit duke qëndruar të grumbulluar, duke u bërë burim infeksionesh për pacientët dhe duke mos përdorur asnjë masë mbrojtëse.

Çfarë po ndodh në QSUT?/ Kur spitalet kthehen në vatra infeksionesh
1 Shkurt, 13:26

Qytetarë që hyjnë e dalin pa orare, që futen në spitale si të ishin në kafene, një pamje e shëmtuar dhe e turpshme që hasen në ambientet brenda dhe jashtë QSUT-së.

Katrahura në QSUT/ Pse heshtin institucionet që duhet të

Këto plagë të shoqërisë u trajtuan nga CNA në disa shkrime që evidentuan papërgjegjshmërinë dhe injorancën e qytetarëve që grumbullohen në urgjencën e QSUT-së.

Duhanpirja në ambientet e spitaleve publike po kthehet në një fenomen shqetësues. Qytetarë, familjarë pacientësh, pinë duhan në korridore, tualete dhe ambiente të përbashkëta të spitaleve, duke rrezikuar drejtpërdrejt shëndetin e pacientëve.

Një “landfill” brenda QSUT-së
2 Shkurt, 13:37

Shqipëria ka një ligj për ndalimin e duhanit në biznese me gjoba që shkojnë deri në 300 mijë lekë të rinj, por duket se nuk ka një shtrëngim për pirjen e duhanit në ambientet spitalore.

Katrahura në QSUT/ Pse heshtin institucionet që duhet të

Pyetja që ngrihet është e drejtpërdrejtë: Ku janë institucionet përgjegjëse për kontrollin?

Pse nuk kontrollon Instituti i Shëndetit Publik (ISHP), i cili merret me politika shëndetësore, studime, monitorim epidemiologjik, bën rekomandime, udhëzime, raporte?

Pse Inspektorati Shtetëror Shëndetësor nuk ndërmerr masa apo gjoba për ata qytetarët që pinë duhan në ambientet spitalore?

A janë këto institucionet që duhet të kontrollojnë dhe marrin masa për ata që thyejnë rregulloret dhe krijojnë kaos në ambientet spitalore?

Të dyja këto institucione janë në varësi të Ministrisë së Shëndetësisë, për të cilën këto denoncime dhe fenomene, në fakt, duhet të jenë një alarm dhe duhen marrë masa konkrete.

Katrahura në QSUT/ Pse heshtin institucionet që duhet të

Kontrolli dhe ndëshkimi nuk mund të bëhen nga infermierët apo mjekët pasi ata nuk janë xhandarë apo roje për t’u marrë me qytetarë të tillë të papërgjegjshëm, që kryejnë sjellje të atilla që ndikojnë në mjedis dhe shëndetin e njerëzve. Masat duhet të merren nga institucionet përgjegjëse.

Mjerë spitalet tona!
3 Shkurt, 13:44

Mungesa e kontrolleve, mosndëshkimi i shkelësve dhe tolerimi institucional kanë krijuar një situatë alarmante, ku spitalet, vende që duhet të shërbejnë për shërim, po kthehen në hapësira pa rregull dhe pa asnjë standard./CNA