E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

I sëmurë me tumor, pronari s’i jep paratë e raportit, ofron një shumë nën dorë

29 Janar 2026, 22:10, Denoncim CNA

I sëmurë me tumor, pronari s’i jep paratë e raportit, ofron

Bashkëshortja e Petrit Balës, i diagnostikuar me tumor, udhëtoi nga Puka drejt Tiranës për të kërkuar zgjidhje për mospagesën e raporteve mjekësore për periudhën qershor–dhjetor 2025.

Sipas ligjit, 14 ditët e para të raportit duhet të paguheshin nga punëdhënësi, HEC-i i Arstit, ndërsa pjesa tjetër nga Instituti i Sigurimeve Shoqërore, por pagesat nuk janë kryer.

Punëdhënësi pretendon se Petrit Bala ka lënë punën më 20 qershor 2025, ndërsa raporti mjekësor ka nisur më 21 qershor, duke e konsideruar të pavlefshëm.

Ndërkohë, bashkëshortja e tij deklaron se në datat 20–21 qershor ai ka qenë ende në marrëdhënie pune, por në ditë pushimi.

“Ka qenë punonjësi i HEC-it prej vitit 2019, deri më 19 qershor të vitit 2025, që ka lënë turnin atë dite në orën 7 të mëngjesit. Më 19, 20, 21 ka pasur pushim. Më 22 ka pasur për t’u paraqitur në punë. Për shkak të sëmundjes ai ka ikur në spital. Më 21 ka marrë raportin nga mjeku i familjes, kam komunikuar me ekonomistin e i kam thënë për raportin që ka lëshuar mjeku i familjes. Ajo thotë nuk e paguaj”, u shpreh bashkëshortja e Balës.

Gjatë një komunikimi me kamera të fshehtë në zyrat e HEC-it të Arstit në Tiranë, përfaqësues të kompanisë ofruan pagesë dorazi, pa dokumentacion, një zgjidhje që nuk i shërben përfitimit ligjor të KEMP-it dhe të drejtave nga sigurimet shoqërore.

Hec Arsti: Si je ti?

Qytetarja: Si kaluat?

Hec Arsti: Si është situata?

Qytetarja: Situata, thjesht për raportin!

Hec Arsti: Petriti ka ikur, ka braktisur punën. Ai të gëzojë shëndet të plotë, që ajo është kryesorja. Të tjerat si mund të manovrojmë, si mund të bëhet, sepse ne bëjmë një diçka, mund të paguajmë po u them unë atyre ortakëve. Mund të paguajmë një pjesë raporte me lekë kesh, pa asnjë lloj gjëje për Petritin.

Qytetarja: Jo...

Hec Arsti: Ose nesër, kur të bëhet kjo, është larguar nga puna, mos na del problem, se nuk ta japin sigurimet shoqërore pastaj raportin.

Pas denoncimit, Instituti i Sigurimeve Shoqërore u angazhua për shqyrtimin e rastit dhe orientoi qytetaren mbi procedurat që duhet të ndjekë për zgjidhje institucionale./ tv klan