web counter
LEXO PA REKLAMA!

SHKARKO APP

E fundit!

x

Bashkia i zvarrit lejen e ndërtimit për shtëpinë e rrënuar, kërcënimi i qytetarit të dëshpëruar

23 Janar 2026, 21:57, Denoncim CNA

Bashkia i zvarrit lejen e ndërtimit për shtëpinë e

Ilir Koçi denoncon në emisionin “Stop” në Tv Klan Bashkinë e Tiranës për zvarritje të pajustifikuar të lejes së ndërtimit. Ai thotë se banesa aktuale, e ndërtuar prej 32 vitesh, është në gjendje të amortizuar dhe e pabanueshme, me lagështirë dhe rrjedhje uji gjatë reshjeve.

Sipas Koçit, Bashkia e Tiranës e ka pajisur me lejen e sheshit, por prej muajsh mban pezull lejen e ndërtimit pa dhënë asnjë përgjigje, ndonëse aplikimi është kryer nga një studio e licencuar.

Denoncuesi shprehet se në institucion nuk po merr asnjë sqarim dhe akuzon për mosfunksionim të administratës.

I ndodhur përballë mungesës së përgjigjes, Ilir Koçi paralajmëron se nëse leja nuk i jepet, do të detyrohet ta shembë vetë banesën, duke deklaruar se është i gatshëm të përballet edhe me pasojat ligjore.

Emisioni “Stop” i është drejtuar Bashkisë së Tiranës me kërkesë zyrtare për sqarim lidhur me këtë rast, por ende nuk ka një përgjigje./ Tv klan 





Lajmet e fundit nga