web counter
LEXO PA REKLAMA!

SHKARKO APP

App Store
Google Play

Veliaj, 220 mijë dollarë për mashtrime anembanë botës

14 Janar 2026, 10:38, Denoncim CNA

Veliaj, 220 mijë dollarë për mashtrime anembanë botës

Kryebashkiaku i prangosur nga SPAK-u me 13 akuza të rënda, ka zbërthyer thesin e tij, burimi i të cilit është Arbër Veliaj, edhe ky nën hetim nga SPAK-u për t’u vërsulur me mashtrime kundër Prokurorisë së Posaçme, prokurorëve dhe hetimeve që u zhvilluan ndaj tij.

Tani çështja është në fazën e gjykimit, por kryebashkiaku prej shtatë muajsh i shmanget drejtësisë, nuk shkon në gjykatë, përdor 1001 mënyra për të mos u përballur me drejtësinë.

Sot "Reporter.al" ka publikuar një material, i cili tregon se Erion Veliaj ka paguar 220 mijë dollarë për lobim në SHBA. Dhe lobimi është kundër drejtësisë, kundër SPAK-ut. 

Sipas asaj që raporton Reporter.al letra për senatorin amerikan, Dick Durbin e dërguar në prill 2025 është pjesë e një fushate të gjerë të lobimit të Veliajt në Shtetet e Bashkuara, e cila i ka kushtuar kryebashkiakut dhe vëllait të tij gati 220 mijë dollarë vetëm në vitin 2025.

Reporter.al gjithashtu raportoi se sipas dokumenteve kompania e kontraktuar nga vëllai i Erion Veliajt, Arbër Veliaj, Kasowitz Benson Torres, është paguar 220 mijë dollarë dhe ka dërguar 75 e-maile në adresën e 24 senatorëve dhe kongresmenëve amerikanë, në Departamentin e Drejtësisë si dhe Departamentin e Shtetit.

Pra, perdja ra, maska u çorr.

Ata që pretendonin reformën në drejtësi dhe morën shpatën në emër të saj, për të integruar Shqipërinë dhe për ta mbështetur, tani doli hapur se kanë zbërthyer një thes me 220 mijë dollarë të mbushur plot me gënjeshtra kundër SPAK-ut dhe drejtësisë.

Përsëritet e njëjta gënjeshtër. CNA prej qindra ditësh i ka kërkuar Erion Veliajt dhe Mero Bazes të nxjerrin dokumentin e lejes së refuzuar të ndërtimit që ka kërkuar prokurori Ols Dado. Nuk është publikuar kurrë, as leja e kërkuar nga prokurori, as refuzimi i bërë nga Erion Veliaj.

Një mashtrim publik që është çuar deri në Departament të Shtetit sipas "Reporter.al". Një mashtrim i bërë nga Erion Veliaj dhe Mero Baze e stafi i tij propagandistik, ku nuk përjashtohen dhe të tjerë. Mero Baze, gazetari i familjes Berisha dje dhe familjes Veliaj sot, shkruan 1001 mashtrime, shpifje, fyerje dhe këto materiale merren dhe çohen si raporte mediatike në Departament të Shtetit.

Është njësoj si ato mashtrimet me Griseldën e famshme të Kavajës, që e kishin marrë, e kishin përdhunuar, e kishin “rrjepur”. Na doli që ishte një mashtrim. Dhe Erion Veliaj në atë kohë shkroi email-e në Bruksel, në Departament të Shtetit dhe ku mundi. Doli mashtrim, si ky mashtrimi i sotëm që i bëhet sot Departamentit të Shtetit, që paguhet.

Dhe nuk janë vetëm mediat tona, por siç CNA ka treguar, edhe media të huaja marrin pagesa për të publikuar traktet në gjuhë të huaj kundër drejtësisë dhe këto më pas përkthehen në shqip dhe publikohen në mediat e paguara nga vëllai i Erion Veliajt, Arbër Veliaj, i cili është një person nën hetim nga SPAK-u.

Perdja ra. 

Qindra mijëra dollarë të paguara kundër drejtësisë në SHBA. Po ku i gjeti Arbër Veliaj paratë që paguan, se ai po hetohet? Nga kompanitë për shembull “One”, e cila i jep para për reklamim Arbër Veliajt dhe ka fituar tenderë, shërbime dhe ka marrë para nga Bashkia e Tiranës? Apo kompani të tjera biznesi, të lidhura edhe me shtetin, apo dhe privatë që lidhen me interesa politike dhe me përfitues direkt dhe indirekt në Bashkinë e Tiranës?

Arbër Veliaj bën “mbrojtjen” e vëllait. Në fakt, ai ka hapur luftë me drejtësinë për të mbrojtur një të shumëakuzuar, i cili firmoste taksat e qytetarëve për t'i kaluar në xhepat e bashkëshortes dhe familjarëve të tij. Dhe me shpifje, me mashtrime publike, me raporte në Departament të Shtetit, kërkon t'i shmanget drejtësisë apo ta luftojë këtë të fundit.

Erion Veliaj duhet të shkojë të përballet me drejtësinë dhe lufta e vërtetë është në sallën e gjyqit me faktet dhe provat që kanë siguruar prokurorët për të zbardhur të vërtetën e tyre. Jo me paratë që hidhen dhe bëhen rrush e kumbulla për të mbrojtur një hajdut dhe bashkëpunëtorët e tij. /CNA

 





Lajmet e fundit nga