Gazetat europiane "shqetësohen" për Erion Veliajn

10 Janar 2026, 16:17, Aktualitet CNA

Në një shkrim të publikuar në faqen online të Mero Bazes, gazetarit të familjes Veliaj dhe në mediat e paguara nga paratë e inceneratorëve dhe taksat e shqiptarëve nëpërmjet parave që shpërndan pushteti për propagandë, na është theksuar se, European Business Magazine është shqetësuar shumë për Erion Veliajn.

Artikulli i publikuar në European Business Magazine

Pra, revista e biznesit europian është shqetësuar për çështjen e kryebashkiakut me 13 akuza të Shqipërisë dhe thotë se testi i besueshmërisë së BE-së, dhe pse Brukseli duhet të insistojë në llogaridhënie.

Po titulli është mirë, pavarësisht kush e ka çuar këtë shkrim, është me pagesë apo jo, se gjithmonë përdoret ideja që është "tre herë i zgjedhur kryetar i Bashkisë dhe i rëndësishëm dhe është arrestuar. Në fakt, pse po të jesh i zgjedhur nuk arrestohesh? Mjafton të bësh korrupsion në petkun e detyrës kur ke nga SPAK të paktën 13 akuza.

SPAK kopsit dosjen/ 13 akuza për Erion Veliajn
10 Shtator, 15:36

Në fakt, çështja prej korrikut të vitit të shkuar është në gjykatë dhe pikërisht kjo është përballja me drejtësinë. BE-ja këtë, duhet të shikojë.

A kemi drejtësi? Po.

A janë kryer procedurat ligjore në rregull? Po.

A janë siguruar prova? Po.

Tani zoti Veliaj të shkojë t'i japë llogari para gjykatës.

Pse shqetësohen këto gazetat europiane? Apo shkon Arbri jep ndonjë lekë nga këto të kontratave të fundit që mori tani nga kompanitë që kanë përfituar fonde në Bashkinë e Tiranës?

Vëllai i Erion Veliajt paguan Mero Bazen për sulmin ndaj prokurorëve
3 Prill, 19:27

Se shumë mirë çështja e Veliajt të shqetësohen të tërë, po kaq shumë nuk na janë shqetësuar për asnjëri tjetër. Derisa na morën Erion Veliajn, nuk shkruheshim nëpër media, as në Izrael, as në Europë, as në SHBA. Hall i madh ky i Veliajt. Pse çfarë?

Po është nën akuzë. Shumë mirë, ndodhet në burg se po prishte provat.

Si Erion Veliaj prishi provat apo ndryshoi dëshmitë e dëshmitarëve nga burgu i Durrësit
8 Prill, 10:36

Në cilin vend të Europës do ta linin të lirë një zyrtar kur prish prova? Pse nuk u arrestua Mogherini? Pse nuk janë arrestuar zyrtarë të tjerë të BE-së? Por nuk janë kapur duke prishur provat, janë kapur në korrupsion, nën akuza dhe shkojnë në përballjen me drejtësinë. Pse presidenti francez, Sarkozy nuk u akuzua? Nuk u arrestua? Nuk u çua në qeli? Po nuk prishnin prova.

Policia belge bastis shërbimin diplomatik të BE-së/ Arrestohen Frederica Mogherini dhe 2 të tjerë
2 Dhjetor, 13:27

Me dekada vazhdojnë gjyqet. Erion Veliaj hyri në burg se prishi provat. Tani na janë shqetësuar këto magazinat europiane, izraelite, amerikane. Ndoshta presim çikë dhe Kinën dhe rusët, ndoshta dhe Indokinën, Indinë, Pakistanin e të tjerë. Por s’ka pse shqetësohen fare.

Erion Veliaj ndodhet në burg dhe po e zgjat burgun vetë. Sepse sot jemi në janar, akuzat i kanë vajtur në korrik. Në qoftë se do kishte bashkëpunuar me gjykatën dhe do kishte zhvilluar një proces të shpejtë gjyqësor, sot mund të ishim me vendim: fajësie ose pafajësie.

CNA e paralajmëroi/ Erion Veliaj vijon shtyrjen e gjyqeve dhe mospërballjen me drejtësinë
5 Dhjetor, 11:55

Por Erion Veliaj i ka ndërruar avokatët. Çfarë nuk bën që të shtyjë seancat gjyqësore? Nuk shkon të përballet me drejtësinë. Pra, Erion Veliaj i ka akuzat, i ka në gjykatë dhe tani në gjashtë muaj mund të ishte mbrojtur, mund t'i kishte dhënë të kundërtat e provave që ka SPAK, mund t'i kishte rrëzuar akuzat dhe të kishte dalë i pafajshëm. Mund të ishte kthyer dhe në detyrë.

Veliaj vijon me taktikat, shtyhet sërish seanca gjyqësore
5 Janar, 09:41

Por nuk e bën këtë. Ushtron presion ndaj gjykatave, ndaj prokurorëve. Kanë dalë në përgjime të gjitha këto. Sulmon, akuzon prokurorë dhe gjyqtarë.

Përgjimet e Veliajt/13 faqe me kërcënime, mashtrime dhe manipulime
6 Prill, 19:09

Dhe tani ka filluar stilin tjetër me shkrime në BE, se mund të rrezikojë integrimin e Shqipërisë në Europë, çështja e tij në gjykatë, kur ai është me 13 akuza dhe nuk shkon të përballet me prokurorët, nuk shkon të përballet me drejtësinë.

Në cilin vend të BE-së ndodh që ti nuk përballesh me drejtësinë? Por i ikën procedurës? Me shpresën se do fitosh në Strasburg se je kryetar bashkie? Kur faktet dhe provat i ke të paraqitura në gjykatë dhe ti nuk shkon në seancë gjyqësore?

Pse Veliaj nuk përballet me akuzat në gjykatë?
28 Tetor, 11:31

Për më tepër, të përgënjeshtron dhe administrata e pushtetit tënd, të Partisë Socialiste, siç ndodhi me rastin e Drejtorisë së Përgjithshme të Burgjeve.

Drejtoria e Burgjeve nxjerr zbuluar Veliajn, hedh poshtë pretendimet e kryebashkiakut
5 Janar, 13:11

Zdromsin e shpall mashtrues dhe qeveria e tij
5 Janar, 18:10

Tani këto gazetat dhe revistat online nëpër Europë, lekët duan, nuk është se kanë ndonjë problem të madh. Dhe mirë bëjnë që ia marrin Erionit. Edhe këto mediat e tij që ia publikojnë, janë shokë e miq, edhe para kanë marrë plot nga Erioni. Por kjo s’do të thotë që ndikon te integrimi i Shqipërisë në BE.

Se ta marrë vesh një zyrtar europian që është me 13 akuza, nëntë nga të cilat për korrupsion, dhe nuk shkon të përballet me drejtësinë kur e ka dosjen aty, por çfarë s’bën që t’i shmanget gjykimit, do të thoshte: Mjerë ku është katandisur Shqipëria.

Me 13 akuza për 5 vepra të rënda penale/ Sot seanca e nëntë në GJKKO për Erion Veliajn
12 Dhjetor, 07:57

Pikërisht këtë duhet të forcojë Shqipëria. Ligjet që zyrtarë si Erion Veliaj të shkojnë me vrap atje dhe jo ta shmangin me procedura dhe teknikalitete dhe pastaj të bëjnë propagandë kundër vendit në mediat online. /CNA