web counter
LEXO PA REKLAMA!

SHKARKO APP

App Store
Google Play

E fundit!

x

Situata e përmbytjeve në Shkodër/ 266 hektarë të mbuluara nga uji

10 Janar 2026, 09:00, Aktualitet CNA

Situata e përmbytjeve në Shkodër/ 266 hektarë të

Situata në territorin e Bashkisë Shkodër paraqitet e qëndrueshme, me nivele të ujit nën kuotat kritike dhe pa problematika të evidentuara. Sipas monitorimit periodik në terren, të kryer ditën e sotme, më 10.01.2026, në orën 08:00, gjendja hidrologjike vijon të jetë nën kontroll.

Nivelet e ujit në lumenjtë Bunë dhe Drin mbeten brenda parametrave të sigurisë, megjithëse gjatë 24 orëve të fundit është regjistruar një rritje prej rreth 10–20 cm krahasuar me një ditë më parë. Në Urën e Vjetër të Bunës, niveli i ujit ka arritur në 8.30 metra, ndërsa në Urën e Bahçallëkut, lumi Drin shënon kuotën 8.05 metra. Në njësinë administrative Dajç, niveli i ujit raportohet në 6.48 metra.

Në territorin e Bashkisë Shkodër, sipërfaqja totale e përmbytur vlerësohet rreth 266 hektarë. Autoritetet konfirmojnë se nuk ka banesa të përmbytura dhe as prani uji në zona të banuara.

Në njësinë administrative Ana e Malit, rruga për në Obot vijon të jetë e bllokuar për mjetet e ulëta, ndërsa është e kalueshme vetëm për mjete të larta, pasi niveli i ujit mbi rrugë arrin mbi 50 cm. Sipërfaqja e tokës bujqësore e përmbytur në këtë zonë vlerësohet rreth 130 hektarë, kryesisht në fshatrat Obot dhe Muriqan.

Në njësinë administrative Dajç, rreth 35 hektarë tokë bujqësore janë përmbytur, kryesisht në zonën e Pentarit. Ndërkohë, në njësinë administrative Velipojë, sipërfaqja e tokës bujqësore e prekur nga përmbytjet arrin në rreth 101 hektarë.

Bashkia Shkodër njofton se situata është në monitorim të vazhdueshëm dhe aktualisht vihet re një tendencë e tërheqjes së ujit nga zonat ku ka pasur prezencë të tij. Autoritetet lokale vijojnë ndjekjen nga afër të gjendjes dhe janë në gatishmëri për çdo zhvillim të mundshëm./ CNA





19:13 Aktualitet Grigels Muçollari

Përmbytja e shtetit!

Përmbytjet e fundit në Shqipëri nuk janë thjesht ngjarje n...

Lajmet e fundit nga