Veliaj kërkon mbylljen e CNA-së/ AGSH reagon ashpër: Cenim i lirisë së medias

9 Janar 2026, 12:42, Aktualitet CNA

Veliaj kërkon mbylljen e CNA-së/ AGSH reagon ashpër: Cenim i

CNA denoncoi një rast flagrant, ku kryebashkiaku Erion Veliaj kërkon mbylljen e CNA-së, duke raportuar artikujt denoncues rreth tij.

CNA solli përmes një shkrimi që mund ta LEXONI KETU, artikullin e raportuar nga Veliaj, ku qartazi duket që nuk ekziston asnjë nga shkeljet e të drejtave të autorit siç pretendohet.

Rast flagrant/ Veliaj kërkon mbylljen e CNA-së
8 Janar, 15:57

Në lidhje me këtë rast flagrant ka reaguar ashpër Asociacioni i Gazetarëve Shqiptarë, duke theksuar se raportimi i përmbajtjes mediatike përmes mekanizmave të platformave online, kur ai synon kufizimin ose mbylljen e një mediumi kritik, përbën një praktikë shqetësuese që mund të cenojë seriozisht lirinë e medias dhe të shprehjes.

AGSH rikujton se mospajtimi me përmbajtjen editoriale apo kritikat mediatike nuk duhet të trajtohet përmes presionit administrativ, raportimeve të rreme apo mekanizmave që rrezikojnë ekzistencën e një medieje.

“Çdo pretendim për shkelje ligjore duhet të trajtohet në rrugë transparente dhe proporcionale, duke respektuar standardet kombëtare dhe ndërkombëtare për lirinë e medias”, thuhet në reagimin e AGSH.

Reagimi i AGSH

Asociacioni i Gazetarëve të Shqipërisë shpreh shqetësimin e tij lidhur me raportimet se kryebashkiaku i Tiranës, Erion Veliaj, ka kërkuar mbylljen e portalit CNA, përmes raportimit të artikujve kritikë ndaj tij, me pretendimin për shkelje të të drejtave të autorit.

Sipas informacionit publik, artikulli i raportuar është një shkrim politik i vitit 2024, që përfaqëson një qëndrim publik dhe përmban citime burimore, si dhe materiale vizuale për të cilat pretendohet se janë përdorur me leje dhe në përputhje me të drejtat ligjore.

Në këtë kontekst, AGSH vlerëson se raportimi i përmbajtjes mediatike përmes mekanizmave të platformave online, kur ai synon kufizimin ose mbylljen e një mediumi kritik, përbën një praktikë shqetësuese që mund të cenojë seriozisht lirinë e medias dhe të shprehjes.

Çdo pretendim për shkelje ligjore duhet të trajtohet në rrugë transparente dhe proporcionale, duke respektuar standardet kombëtare dhe ndërkombëtare për lirinë e medias./ CNA