web counter
LEXO PA REKLAMA!

SHKARKO APP

App Store
Google Play

Rama mbledh Komitetin e Emergjencave Civile: Njerëzit duan mbështetje, jo teori konspiracioni

9 Janar 2026, 08:39, Aktualitet CNA

Rama mbledh Komitetin e Emergjencave Civile: Njerëzit duan mbështetje,

Kryeministri Edi Rama ka mbledhur Komitetin e Emergjencave Civile për të diskutuar situatën e krijuar nga moti i keq dhe reshjet intensive që kanë prekur disa zona të vendit.

Gjatë fjalës së tij, Rama theksoi se situata kërkon durim dhe përgjegjësi, duke nënvizuar se fenomenet natyrore nuk zgjidhen me protesta apo slogane. Ai u shpreh se lumenjtë nuk kthehen në shtrat dhe retë nuk shpërndahen përmes reagimeve që vetëm sa rrisin nervozizmin në opinionin publik.

Kryeministri bëri thirrje që në këto momente të mos kërkohen fajtorë imagjinarë, por të mbështeten njerëzit realë që po përballen me pasojat e motit ekstrem. Sipas tij, qytetarët kanë nevojë për ndihmë konkrete dhe solidaritet, jo për shpifje.

Rama theksoi gjithashtu se kjo situatë nuk ka prekur vetëm Shqipërinë, por një rajon të gjerë, duke përfshirë Italinë, Greqinë, Kroacinë, Maqedoninë e Veriut dhe Turqinë, të cilat po përballen me të njëjtin front të ftohtë, reshje shiu dhe dëbore.

“E di që fjala durim mund të tingëllojë një cingërimë veshësh, por ajo që po përjetojmë nuk është thjesht moti i keq, lumenjtë nuk kthehen në shtrat me protesta, retë nuk shpërndahen me slogane, këto reagime ushqejnë nervozizëm. Në një situatë si kjo nuk kërkohen fajtorë imagjinarë, por duhen mbështetur njerëzit realë. Njerëzit nuk kanë nevojë për shpifje, por për mbështetje.

Kjo është një ngjarje që s’ka prekur vetëm Shqipërinë, por ka prekur një hartë të tërë nga Italia në Greqi, në Kroaci, Maqedoni e Veriut e Turqi. I njëjti i ftohtë, i njëjti shi, e njëjta dëborë, kanë krijuar të njëjtën situatë për njerëzit”, tha Rama./CNA





Lajmet e fundit nga