web counter
LEXO PA REKLAMA!

SHKARKO APP

App Store
Google Play

E fundit!

x

"Është tentuar rrëmbimi i fëmijës sim"/ Arben Ahmetaj: Në tetor, 3 mesazhe kërcënimi me vdekje

8 Janar 2026, 21:13, Aktualitet CNA

"Është tentuar rrëmbimi i fëmijës sim"/ Arben

Ish-zëvendëskryeministri Arben Ahmetaj ka dhënjë një intervistë të katërt për gazetarin Çim Peka në Syri Tv.

Në intervistën e tij të katërt, Ahmetaj ka thënë se ka pasur një plan për eliminim fizik për të.

Më tej, Ahmetaj ka thënë se është tentuar rrëmbimi i vajzës së tij 1-vjeçare.

“Ka vazhduar genocidi i mirëorganizuar ndaj familjes sime. E kam thënë se ka një strukturë gjysmëmafioze, e cila është vërtetuar në vite, e prbërë nga kreu i organizatës e deri te ndihmësit e tij.

Më kanë kërcënuar te rotondo e Nobis, ku jetoja. Brenda grupit kriminal ka qenë plani deri në eliminim fizik. Me demek unë kisha kaluar kufirin ilegalisht në Itali dhe do më çonin në burg për të mos dalë më i gjallë që aty. Janë tentuar të gjtiha format mafioze kriminale kundër meje dhe familjes sime. Është tentuar rrëmbimi i fëmijës sim, vetëm 1 vjeç.

Kam dyshime serioze se ka qenë plan arrestimi për të më eliminuar fizikisht”, tha Ahmetaj.

 

Më tej në intervistën e tij, ish-zëvendëskryeministri tregoi se në muajin tetor të vitit 2025 në numrin e tij të telefonit kishin shkuar 3 mesazhe që e kërvcënonin me vdekje.

Ahmetaj tha se njëri prej mesazheve të tetorit ka vajtur nga një numër nga Venezuela ose Mianmari.

Mesazhe këto të cilat, Ahmetaj tha se u janë dërguar autoriteteve dhe jo vetëm atyre zviceriane.

 

“Një nga tre mesazhet në tetor, numër o nga Venezuela o nga Mianmari. Nuk besoj se është koecidencë. Mesazhi është kërcënim me vdekje. Të treja këto mesazhe janë me autoritetet jo vetëm zviceriane, informacioni akoma informal më vjen që janë numra me ndryshim VPN shumë të shpejtë, më çon në logjikën që nuk janë për t’u marrë me shaka. Është koecidencë që ka të bëjë me ngjarjet e tetorit në Shqipëri? Nuk e di”, tha Ahmetaj./CNA





Lajmet e fundit nga