web counter
LEXO PA REKLAMA!

SHKARKO APP

App Store
Google Play

Përmbytjet/ Boçi: Qeveria nuk shpall gjendjen e jashtëzakonshme, kërkon të shmangë përgjegjësinë

8 Janar 2026, 17:03, Aktualitet CNA

Përmbytjet/ Boçi: Qeveria nuk shpall gjendjen e

Deputeti i PD-së, Luçiano Boçi ka folur ditën e sotme për përmbytjet masive në Durrës dhe Gjirokastër. Në një lidhje me Syri Tv, Boçi tha se për këtë situatë duhet shpallur gjendja e jashtëzakonshme.

Ndërkohe shtoi më tej se ashtu si në rastin e zjarreve, qeveria nuk e bën këtë sepse kërkon të shmangë përgjegjësinë. Deputeti theksoi se përmbytjet nuk kanë ardhur vetëm nga fatkeqësia natyrore por nga korrupsioni.

“Për vite e vite të tëra, sot çuditërisht, përfshirë Gjirokastrën, përfshirë Durrësin, përfshirë zonat e jugut, janë në një gjendje që as nuk ishte menduar më parë. Katastrofë duket që nuk është natyrore, është katastrofë mungese qeverisjeje, kujdesi qeveritar, katastrofë korrupsioni që po shfaqet dhe çdo ditë e më shumë po del ai kallaji nga shiu i zakonshëm që ka rënë dhe sot preket ajo që është folur nëpër media, është denoncuar nga PD-ja që ky sistem korruptiv s'ka prodhuar të mira materiale për shoqërinë, për qytetarin, por ka prodhuar katastrofa, gjendje të tilla dhe vetë, edhe tani që duhet të lëvizë, mblidhet qeveria, nuk di, mblidhet për propagandë dhe nuk merr masën kryesore, që është ajo që kërkoi PD-ja, shpallja e gjendjes së fatkeqësisë natyrore. Mos harrojmë një gjë që para disa muajsh është kërkuar shpallja e kësaj gjendje dhe për situatën e zjarreve?

Dhe qeveria përsëri nuk e ka bërë. Pikëpyetja është pse nuk e bën? Pse nuk e bën? Sepse ndoshta këtu kërkon të shmangë përgjegjësinë, duke e inkluduar në atë që po ndodh dhe në vendet e tjera dhe është pjesë e asaj ç'po ndodh në rajon. Pjesa tjetër ka të bëjë me përgjegjësinë që ka pas shpalljes së kësaj gjendje për t'iu përgjigjur dëmeve që i janë shkaktuar qytetarëve, sepse janë dëme monetare, përkthehen menjëherë në ndërhyrje monetare. Gjë që qeveria nuk kërkon ta bëjë, nuk e ndjen këtë lloj përgjegjësie. Për mos thënë këtu që, megjithëse jemi në 2026-ën, qeveria ka akoma detyrime ndaj qytetarëve të Shkodrës të papaguara për përmbytjet që i janë shkaktuar përgjatë këtyre viteve që këta kanë qenë në qeverisje”, u shpreh Boçi. /CNA





Lajmet e fundit nga