web counter
LEXO PA REKLAMA!

SHKARKO APP

App Store
Google Play

IGJEUM: Vijojnë reshjet, rrezik i shtuar për përmbytje në disa zona

8 Janar 2026, 14:37, Aktualitet CNA

IGJEUM: Vijojnë reshjet, rrezik i shtuar për përmbytje në

Instituti i Gjeoshkencave ka ndarë një parashikim lidhur me kushtet meteorologjike për sot dhe nesër, teksa prej ditësh vendi është përfshirë nga reshjet e dendura të shiut.

Sipas llogaritjeve hidrologjike, si rezultat i reshjeve me intensitet të lartë të rëna gjatë ditëve të kaluara dhe ditën e sotme, do të ketë rritje të prurjeve dhe niveleve në lumenjtë Mat, Ishëm, Erzen, Shkumbin, Seman.

Rrezik të shtuar për përmbytje në vazhdim të ditës së sotme do të ketë lumi Vjosë, lumi Drin-Buna dhe Liqeni i Shkodrës.

Prej ditës së nesërme e premte datë 9 janar pritet rënie e prurjeve dhe niveleve në të gjithë lumenjtë.

Dëbora dhe ngrica:

Sot dhe nesër, reshjet e dëborës pritet të përfshijnë zonat në Veri, Lindje dhe Juglindje të territorit. Reshjet e dëborës të pasuara nga ulja e ndjeshme e temperaturave dhe ngricat mund të krijojnë probleme të ndryshme dhe vështirësi në transportin rrugor.

Reshjet:

Sot pasdite dhe nesër në qarqet Shkodër, Kukës, Lezhë priten reshje mesatare deri lokalisht intensive ndërsa në Dibër priten reshje mesatare. Në qarqet Durrës, Tiranë, Elbasan priten reshje të dobëta deri lokalisht mesatare ndërsa në qarqet e tjera priten reshje të dobëta. Reshjet priten të shoqërohen me shtrëngata.

Në Veri, Lindje dhe Juglindje në lartësitë mbi 300 m nga niveli i detit reshjet do të jenë në formë dëbore.

Temperatura:

Nesër temperaturat minimale dhe maksimale të ajrit pritet të arrijnë:

në bregdet: 2 / 12 °C

në vendet e ulëta: -2 / 9 °C

në vendet malore: -6 / 6 °C.

Era:

Sot pasdite dhe nesër era pritet të fryjë mesatare deri e fortë në bregdet dhe në zonat malore./CNA

IGJEUM: Vijojnë reshjet, rrezik i shtuar për përmbytje në





Lajmet e fundit nga