E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

“Berati në alarm nga përmbytjet”/ Bozdo: Uji ka depërtuar në banesa dhe toka bujqësore

8 Janar 2026, 17:42, Aktualitet CNA

“Berati në alarm nga përmbytjet”/ Bozdo: Uji ka

Deputeti i Partisë Demokratike, Eno Bozdo ka ndarë në rrjetet e tij sociale pamje nga përmbytjet në qarkun e Beratit. Bozdo shprehet në postimin e tij se situata në këtë qark vijon të mbetet problematike dhe alarmante.

Ai shton më tej se dëmtimi i argjinaturës ka përkeqësuar gjendjen, duke sjellë përmbytjen e qindra hektarëve tokë bujqësore në Bashkinë Berat. Deputeti thotë se në bashkinë Dimal në zonat Dafinë, Gurë i Bardhë dhe Çiflik, uji ka depërtuar në banesa dhe toka bujqësore.

Postimi i plotë:

Deputetët e Partisë Demokratike kanë kërkuar shpalljen e gjendjes së jashtëzakonshme të emergjencave civile për përmbytjet që po godasin qarqet e rrezikuara nga rritja e nivelit të ujit, por deri tani qeveria po e refuzon këtë kërkesë, pasi nuk ka asnjë vullnet për të dëmshpërblyer banorët, bizneset dhe fermerët e prekur nga përmbytjet. Qeveria nuk e ka mendjen të dëmshpërblejë qytetarët, por e ka mendjen të VJEDHË, duke treguar edhe një herë mungesë totale për ata që po përballen me pasojat e kësaj fatkeqësie.

Situata në Qarkun e Beratit vijon të mbetet tejet problematike dhe alarmante. Demtimi i argjinaturës ka përkeqësuar ndjeshëm gjendjen, duke sjellë përmbytjen e qindra hektarëve tokë bujqësore në Bashkinë Berat, konkretisht në njësitë administrative Velabisht dhe Otllak. Dëmet janë të mëdha dhe pasojat rëndojnë drejtpërdrejt mbi jetesën e dhjetëra familjeve, të cilat sot ndihen të braktisura nga shteti.

Edhe më dramatike paraqitet situata në Bashkinë Dimal, ku . Prej ditës së djeshme këto zona ndodhen nën pushtimin e ujit, duke rrezikuar jo vetëm pronën, por edhe sigurinë e banorëve. Fermerët po shohin teksa para syve të tyre po shkatërrohet puna dhe mundi i tyre, ndërsa shtëpitë përballen me dëme të konsiderueshme materiale.

Qytetarët janë lënë totalisht në mëshirë të fatit. Askush nuk i është përgjigjur thirrjeve të tyre për ndihmë. Mungesa e reagimit dhe e koordinimit institucional nxjerr hapur papërgjegjshmërinë dhe neglizhencën e strukturave lokale dhe qendrore. /CNA