web counter
LEXO PA REKLAMA!

SHKARKO APP

App Store
Google Play

"Unë i di të vërtetat"/ Ahmetaj: Ja kur jam i gatshëm të kthehem në Shqipëri

8 Janar 2026, 21:43, Aktualitet CNA

"Unë i di të vërtetat"/ Ahmetaj: Ja kur jam i

Ish-zëvendëskryeministri Arben Ahmetaj, i cili ndodhet në arrati ka deklaruar, në intervistën e tij të katërt për gazetarin Çim Peka në Syri Tv, se është i gatshëm të kthehet në Shqipëri kur Edi Rama mos të jetë më kryeministër.

“Po sigurisht. Po unë i di të vërtetat. Unë jua thashë, unë kam parë SMS të kreut të organizatës, kur dikush i thotë, po ti na premtove që do ta shkrije, pse e bëre zëvendëskryeministër?”, tha Ahmetaj.

Më tej gjatë intervistës, ish-zëvendëskryeministri tha se “paraja e drogës” është arsyeja e të gjitha të këqijave në Shqipëri.

“Paraja e drogës ka larguar klasën, e ka masakruar klasën e mesme në Shqipëri. Kur ju thoni s'ka njerëz, paraja e drogës është nëna e të gjithë të këqijave në atë vend. Që nga deformimi i ekonomisë, që nga deformimi social, që nga deformimi kulturor, që nga deformimi politik, që nga emigracioni. A e di, ka ardhur koha aty që të dëgjosh, është jashtë mode që të mos të kesh ndonjë në krah, ndonjë kartel droge ose mos të merresh me drogë, për ta ndisur vendin, sepse kjo, kjo është Shqipëria e gjithë neve? Jo mo, nuk është kjo Shqipëria ime. Kjo Shqipëri i përket Edi Ramës”, u shpreh Ahmetaj. /CNA





Lajmet e fundit nga