web counter
LEXO PA REKLAMA!

SHKARKO APP

App Store
Google Play

"Po të kishte punuar hidrovori, situata do ishte ndryshe"/ Gazetarja Lala përplaset me Vengun

8 Janar 2026, 22:09, Aktualitet CNA

"Po të kishte punuar hidrovori, situata do ishte ndryshe"/

Ministri i Mbrojtjes, Pirro Vengu dhe gazetarja Klodiana Lala kanë debatuar në emisonionin “Të paekspozuarit” në MCN TV.

Duke folur për situatën nga përmbytjet, Lala e pyeti ministrin se nëse hidrovori i Durrësit do të kishte punuar a do të ishte situata më ndryshe.

Ndërsa Vengu u përgjigj duke thënë se nuk është momenti për debat politik.

Më tej, Lala i tha ministrit të Mbrojtjes se angazhimin në këtë situatë ai e ka detyrim, Vengu iu pëgjigj duke i thënë se sot është pranë njerëzve dhe kërkoi mirëkuptim për t’u kthyer në terren. Gjë të cilën Lala e cilësoi si shmangie.

 

Pjesë nga debati

Klodiana Lala: Nuk e nisët fjalën tuaj me një mesazh ngushëllimi për të ndjerin.

Pirro Vengu: E kam bërë në mënyrë të përsëritur sot, do të kërkoja mirëkuptimin tuaj.

Klodiana Lala: Prokuroria e Durrësit ka nisur hetim për tre vepra penale. Ndër të tjera, thuhet se dyshimet janë që hidrovori i Porto Romanos nuk ka funksionuar si duhet dhe ka patur problematika për pastrimin e kanaleve dhe plehrave. Ndiheni ju dhe qeverisja, përgjegjëse për këtë situatë? Po të kishte punuar hidrovori sic duhet, të ishin larguar mbeturinat, të largoheshin në inceneratorin që nuk ekziston, a do të ishte situate ndryshe?

Pirro Vengu: E nderuara zonjë, debati politik në këto momente nuk ndihmon, sidomos në përballimin e situatës së përmbytjes. Strukturat janë në terren. Çdo aktor që kërkon të kontribuojë….

Klodiana Lala: Ju e keni detyrim të angazhoheni.

Pirro Vengu: Politika pret, sot jemi me njerëzit dhe pranë tyre. Kërkoj mirëkuptimin tuaj të rikthehem në terren.

Klodiana Lala: Kjo është shmangie zoti ministër.

Pirro Vengu: Nuk u jam shmangur përgjegjësive të mia.

Klodiana Lala: Ka hetim që flet me fakte që hidrovori nuk ka funksionuar dhe ka shkaktuar pasoja.

Pirro Vengu: Sakrificën e forcave të armatosura duhet ta mbështesni.

 





Lajmet e fundit nga