Vazhdon situata e rënduar nga përmbytjet në Qarkun e Durrësit, evakuohen 667 banorë

9 Janar 2026, 10:45, Aktualitet CNA

Vazhdon situata e rënduar nga përmbytjet në Qarkun e

Situata në Bashkinë Durrës mbetet e rënduar. Për shkak të daljes nga shtrati të Lumit Erzen dhe rritjes së nivelit të Kanalit të Tonës, janë raportura dëmtime të argjinaturës së këtij lumi deri në 500 metra linearë.

Sipas njoftimit të Bashkisë Durrës në terren janë angazhuar autoritetet, të cilat kanë vënë në dispozicion mjete të rënda, gomone, pompa dhe personel.

Deri më tani janë evakuar gjithsej 667 banorë, në njësitë administrative Sukth dhe Katund të Ri, ku janë përmbytur rreth 6000 hektarë tokë bujqësore, ndërsa qytetarët janë akomoduar pranë Shtëpinë e Pushimit të Ministrisë së Brendshme, Kavalishencë dhe Kompleksin “FAFA”.

Ndërkaq janë siguruar 700 pako ushqimore nga Drejtoria e Rezervave Shtetërore, të shpërndara në zonat e prekura.

Njoftimi i Bashkisë Durrës

Në territorin e Bashkisë Durrës situata paraqitet e rënduar, veçanërisht pas daljes së lumit Erzen nga shtrati dhe rritjes së nivelit të Kanalit të Tonës. Janë raportuar dëmtime të argjinaturës së Erzenit në rreth 500 metra linearë, në Katund të Ri dhe Sukth.

Në terren janë angazhuar 448 forca operacionale nga Bashkia, ndërmarrjet në varësi, UKD, Policia Bashkiake, Policia e Shtetit, OSHEE, mjekë të familjes, Rezervat e Shtetit dhe Forcat e Armatosura, të cilat kanë vënë në dispozicion mjete të rënda, gomone, pompa dhe personel.

Deri më tani janë evakuuar gjithsej 667 banorë. Në Njësinë Administrative Sukth janë evakuuar 336 persona, ndërsa në Katund të Ri 53 persona. Të tjerë qytetarë janë akomoduar në Kavalishencë, Shtëpinë e Pushimit të Ministrisë së Brendshme dhe Kompleksin “FAFA”.

Janë siguruar 700 pako ushqimore nga Drejtoria e Rezervave Shtetërore, të shpërndara në zonat e prekura, ndërsa organizata humanitare si “Qatar Save the Children” dhe “Fundjava Ndryshe” kanë shprehur gatishmëri për të ofruar ndihma shtesë.

Deri në orën 20:00 janë verifikuar 2645 banesa dhe janë mbajtur 699 akte konstatimi, ndërsa procesi i verifikimit vijon. Në Katund të Ri dhe Sukth janë përmbytur rreth 6000 hektarë tokë bujqësore, ndërsa në Rrashbull rreth 400 hektarë. Janë raportuar gjithashtu rrëshqitje dherash dhe zona të tëra ende të pakalueshme./ CNA