web counter
LEXO PA REKLAMA!

SHKARKO APP

App Store
Google Play

E fundit!

x

Natyra si alibi/ Fondi për emergjencat më i vogël se tri kontrata inceneratorësh

10 Janar 2026, 15:04, Aktualitet CNA

Natyra si alibi/ Fondi për emergjencat më i vogël se tri kontrata

Deputetja Jorida Tabaku ka reaguar në lidhje me përmbytjet në vend. Sipas saj, natyra nuk mund të përdoret gjithnjë si një alibi për të shmangur përgjegjësitë reale të qeverisë.

Sipas Tabakut, natyra nuk mund të jetë më alibi, kur qeveria ka buxhetuar më pak se 1% të buxhetit për kanalizime dhe ujitje, dhe kur fondi për Emergjencat Civile është më i vogël sesa tri kontrata inceneratorësh.

“Shqiptarët, çdo vit, në verë dhe në dimër, dëgjojnë të njëjtën kasetë: 'natyra e pabesë'. Shqipëria ose shkrumbohet, ose përmbytet.

Por natyra nuk mund të jetë më alibi, kur qeveria ka buxhetuar më pak se 1% të buxhetit për kanalizime dhe ujitje, dhe kur fondi për Emergjencat Civile është më i vogël se sa tri kontrata inceneratorësh.

Një shtet i përgjegjshëm nuk është ai që shfaqet pasi bie zjarri apo vërshon uji për të bërë 'adetin'. Kur lexon deklaratat 'bujare' të qeverisë pas fatkeqësisë, përballë dorështrëngimit kriminal për të parandaluar, kupton thelbin e këtij sistemi: nuk është ngritur për qytetarët, por për klientët.

Sipas vetë të dhënave të Emergjencave Civile, dëmet ekonomike nga fatkeqësitë kapin vlerën e 2 miliardë dollarëve. Ndërkohë, qeveria në katër vite ka dhënë vetëm 140 milionë euro për emergjenca. Paratë nuk shkojnë për kanale e kolektorë, por për fantazma luksi që nuk i interesojnë askujt përveç cirkut qeveritar.

Skenat me qeveritarë që zbresin në terren me çizme llastiku pasi gjithçka është shkatërruar, nuk janë arritje. Janë dëshmi dështimi. Nuk është sukses të shkosh aty ku nuk mban më uji.

Është tragjikomike: një qeveri që premton Inteligjencë Artificiale për prokurimet, që përdor 'Diellën' për propagandë digjitale, kapet gjithmonë e papërgatitur nga një shi që çdo qytetar e sheh në telefonin e tij. Silleni fiks si një student ngelës që sajon barcaleta për të fshehur paaftësinë.

Sot janë mijëra hektarë tokë, prona dhe jetë të shkatërruara. Nesër do të jenë sërish. Sepse ky sistem punon për pakicën, dhe faturën e paguan shumica: me xhepin, pronën dhe të ardhmen e saj”, shkruan Tabaku./ CNA





19:13 Aktualitet Grigels Muçollari

Përmbytja e shtetit!

Përmbytjet e fundit në Shqipëri nuk janë thjesht ngjarje n...

Lajmet e fundit nga