web counter
LEXO PA REKLAMA!

SHKARKO APP

App Store
Google Play

Kur shteti vepron si bandë mbi pronën/ Si u shembën vilat me leje të rregullta ndërtimi

1 Janar 2026, 15:00, Denoncim CNA

Kur shteti vepron si bandë mbi pronën/ Si u shembën vilat me leje

Në nëntor të vitit 2025, CNA denoncoi një tjetër skandal ku shteti përfshihej në paligjshmëri duke shembur vila me leje të rregullt ndërtimi.

CNA tregoi se si shteti veproi si një bandë mbi biznesin.

Inspektorati Kombëtar i Mbrojtjes së Territorit shembi me shpërthim të kontrolluar tri vila në zonën e Saukut të Tiranës, dokumentet e të cilave tregonin se objektet ishin ndërtuar në përputhje me ligjin dhe kishin marrë leje ndërtimi të miratuar nga autoritetet kompetente.  

CNA përmes dokumenteve tregoi se ndërtimi i kompleksit ishte bërë në bazë të lejes së ndërtimit me numër R-1539/4, për projektin “Kompleks rezidencial me objekte banimi 1, 2 dhe 3 kate me 1 dhe 2 kate nëntokë, me pishina, basen ujor, mur rrethues dhe kabinë elektrike”. Sipërfaqja totale e ndërtimit të miratuar ishte 13,666.6 m² mbi tokë dhe 10,314.9 m² nën tokë.

Subjekti zhvillues, kompania “Austrian Construction Albania” sh.p.k., në bashkëpunim me “Lani” sh.p.k. si subjekt ndërtues, ka aplikuar në vitin 2023 në Bashkinë e Tiranës për ndryshim të projektit ekzistues, pa ndryshuar parametrat themelorë të lejes, si numrin e kateve apo sipërfaqet ndërtimore. Ndryshimet kishin të bënin vetëm me fizionominë arkitektonike dhe funksionalitetin e brendshëm të objekteve.

Në relacionin shpjegues të lejes thuhej se projekti synonte zhvillimin e një kompleksi modern banimi me standarde të larta ndërtimi dhe infrastrukturë bashkëkohore.

Megjithatë, pavarësisht kërkesës për miratimin e ndryshimeve nga Bashkia e Tiranës, institucioni nuk ka dhënë përgjigje, duke shkaktuar vonesa dhe kosto shtesë për biznesin.

Nga verifikimet në terren rezulton se sipërfaqja aktuale e ndërtuar është madje më e vogël se ajo e miratuar: 13,094 m² mbi tokë dhe 9,199.1 m² nën tokë, duke përjashtuar mundësinë e ndonjë ndërtimi shtesë jashtë lejes.

Pavarësisht këtyre fakteve, IKMT ndërhyri me forca të shumta policie dhe procedurë të menjëhershme, duke shembur objektet në një akt arbitrar dhe duke ngjallur terror ndaj pronës private.

Shembja e tri vilave në zonën e Saukut në Tiranë nga IKMT ishte thjesht dhe vetëm një shkelje e ligjit dhe e të drejtave të pronës private.

Asnjë centimetër i atyre vilave nuk ishte jashtë lejes së ndërtimit dhe objektet ishin të pajisura me leje ndërtimi të rregullt e megjithatë me 150 efektivë shteti hyri në pronën private pa asnjë dokument zyrat dhe as një urdhër gjykate dhe pa ndjekur praktikën e zakonshme ligjore që çdo administratë duhet të respektojë.

Ky akt tregoi terrorin që shteti ushtroi mbi pronën dhe investimet private. Por në fund fatura e paligjshmërisë së shtetit do të bjerë mbi taksapaguesit e varfër shqiptarë pasi çështja mund të shkojë deri në Strasburg dhe kompania mund të marrë dëmshpërblim shumëfish më të madh se ai që ka humbur me vilat e shembura./ CNA

 





Lajmet e fundit nga