Zvarritet rehabilitimi i ujëmbledhësit T'PLA/ Tenderi u anulua dy herë dhe ende pa fitues

11 Janar 2026, 15:20, Denoncim CNA

Zvarritet rehabilitimi i ujëmbledhësit T'PLA/ Tenderi u anulua dy

Procedura e prokurimit për rehabilitimin e ujëmbledhësit T'PLA në Bashkinë Tropojë, me fond limit 27,486,280 lekë pa TVSH, vijon të shoqërohet me dyshime serioze për shkelje ligjore dhe zvarritje të qëllimshme. Bëhet fjalë për tenderin me referencë REF-67031-10-29-2025, i publikuar në platformën Open Procurement.

Tenderi për rehabilitimin e ujembledhesit T'PLA

Gjatë vitit 2025, kjo procedurë është rishpallur tre herë. Nuk arriten t’ia japin tenderit kontraktuesit me afërsi me kryebashkiakun lidhjes se afert me kryetarin ndërsa dy herë është anuluar në fazën e vlerësimit, se pretendimin se mungon baza ligjore.

Fondi i Qeverisë për Ujëmbledhësin T'PLA

Anulimi i parë

Tenderi u shpall për herë të parë më 15 korrik 2025, me hapje ofertash më 4 gusht 2025. Procedura u anulua sipas Buletinit Nr. 46, datë 25 gusht 2025, me arsyetimin se “kanë ndryshuar rrethanat e paparashikueshme dhe aftësia paguese e autoritetit kontraktor”.
Megjithatë, ky argument bie poshtë nga fakti se procedura u rishpall me të njëjtin fond limit, ndërkohë që financimi ishte i garantuar nga Qeveria Qendrore me VKM nr.128, datë 28.02.2025, për vitet 2025–2026. Në këtë fazë morën pjesë 7 kompani.

Kolektori i prishur i ujëmbledhësit

Anulimi i dytë

Procedura u rishpall më 26 shtator 2025, me hapje ofertash më 13 tetor 2025, por u anulua sërish me argumentin se dokumentet e tenderit “përmbanin gabime ose mangësi të rëndësishme”. Sipas verifikimeve, dokumentet standarde, fondi dhe kriteret nuk kishin pësuar asnjë ndryshim, duke ngritur dyshime për anulim të pajustifikuar. Edhe në këtë fazë morën pjesë 7 kompani: Nika Sh.p.k,Cara Sh.p.k,Shendelli Sh.p.k, ASI Invest Sh.p.k, Shpresa Al Sh.p.k, Griald Sh.p.k dhe Florida Sh.p.k.

Procedura e tretë dhe zvarritja e shpalljes së fituesit

Tenderi u shpall për herë të tretë më 30 tetor 2025, me hapje ofertash më 14 nëntor 2025. Vlerësimi u krye pas më shumë se një muaji, në 12 dhjetor 2025, në kundërshtim me afatet ligjore të prokurimit publik.

Ofertat ekonomike ishin të njëjtat kompani si në fazën e dytë, me ofertë si më poshtë:

Ergi Sh.p.k me 16,180,699 lekë
Nika Sh.p.k me 16,738,890 lekë
Florida Sh.p.k me 16,821,053 lekë
Griald Sh.p.k me 16,922,115 lekë
ASI Invest Sh.p.k me 16,998,828 lekë
Shendelli Sh.p.k – 17,160,308 lekë
Colombo LTD – 19,874,211 lekë

Vlerësimet përfundimtare

Kompania Ergi Sh.p.k, e renditur e para, u njoftua për dorëzimin e dokumentacionit dhe më 16 dhjetor 2025 dorëzoi të gjitha dokumentet, identike me ato të ngarkuara në sistemin elektronik. Megjithatë, Bashkia Tropojë vijon të mos shpallë fituesin dhe të mos lidhë kontratën, në kundërshtim me ligjin, pavarësisht se fondi është i garantuar nga qeveria qendrore.

Kompania e renditur në vendin e parë

Investim jetik për banorët

Ujëmbledhësi në Tpla në Njësinë Administrative Fierzë është i vetmi burim vaditjeje për fshatin dhe njëkohësisht shërben si mbrojtje nga përmbytjet. Në vitin 2022, argjinatura e tij u hap nga Bashkia Tropojë me pretendimin e rrezikut për shembje, duke e dëmtuar rëndë objektin.

Gjendja e kolektorit

Akuza dhe heshtje institucionale

Zvarritja e këtij investimi i atribuohet kryetarit të Bashkisë Tropojë, Rexhë Byberi dhe nënkryetares Zyra Islamaj, të cilët janë të akuzuar dhe në proces gjyqësor në GJKKO për shpërdorim detyre dhe korrupsion pasiv.

Ndërkohë që qeveria ka deklaruar se më herët Bashkia Tropojë ishte e bllokuar për shkak të mungesës së kryetarit, aktualisht drejtuesit janë në detyrë, por kontrata nuk lidhet dhe investimi mbetet peng i zvarritjeve, në dëm të drejtpërdrejtë të banorëve të zonës./CNA