web counter
LEXO PA REKLAMA!

SHKARKO APP

App Store
Google Play

Veliaj, 300 mijë dollarë pagesa/ Studio ligjore apo studio lobiste nga SHBA-ja?!

10 Mars 2025, 15:00, Politikë CNA

Veliaj, 300 mijë dollarë pagesa/ Studio ligjore apo studio lobiste nga

Disa ditë më parë është ndarë lajmi në media se Erion Veliaj ka marrë një studio ligjore në SHBA.

Në media raportohej se Arbër Veliaj i ka paguar 300 mijë dollarë një studioje ligjore amerikane që do të bëjë kopsitjen e mbrojtjes në seancën që do të mbahet në Apelin e GJKKO-së të martën e ardhshme, por edhe pas saj nëse do të lihet në fuqi vendimi i Shkallës së Parë.

Në një publikim të tijin, ish-kryeministri Berisha denonconte se vëllai i Erion Veliajt po shpërndante qeset me para në mbrojtje të kryebashkiakut të arrestuar të Tiranës. 

“Vëllai i Erion Veliajt shpërndan qeset me para për Lali Vjedhësin! Të dashur miq, vëllai i Lali Vjedhësit, Arbër Veliaj, që mori miliona euro nga Bashkia e Tiranës, erdhi nga Vjena dhe po u shpërndan qeset me para mediave për të mbrojtur kryehajdutin e Tiranës!”.

Më tej në mesazhin e qytetarit digjital të publikuar nga Berisha theksohej se ishin paguar rreth 300 mijë dollarë për mediat pranë Veliajt.

“Mirëmëngjes dr. Arber Veliaj është kthyer para tri ditësh në Tiranë (nga Vjena aty ku ka selinë qendrore të kompanisë dhe ku shoqërohet me Mirel Mërtirin, prestanome i Inceneratorit të Tiranës që edhe pse është në kërkim ndërkombëtar, ai jeton në mes të Vjenës) dhe ka filluar fushatën e sulmeve ndaj prokuroreve të SPAK-ut dhe gjyqtarëve të GJKKO-së nëpërmjet mediave që sponsorizon.

Fillimisht Arbër Veliaj u ka kërkuar mediave e portaleve që të publikohen sulmet e Veliajt nga burgu.

E ka takuar dy ditë më parë të vëllain në burg në Durrës ku kanë ndërtuar skemën së bashku. Po jepen para dhe me çanta për të sulmuar dhe akuzuar këdo, me qëllim që të dalë Erioni në Apelin e Posaçëm me Gjyqtare Ilirjana Olldashi.

Erioni dirigjon nga burgu dhe Arbri paguan parate cash, siç paguan dhe rrogat e një TV që shpif kundër PD non stop që është 'ABC News' dhe Sokol Balla për shembull ka marrë 300.000 euro prej tij", ka denoncuar ndër të tjera Berisha. 

Veliaj, 300 mijë dollarë pagesa/ Studio ligjore apo studio lobiste nga

Në fakt po rezulton se më shumë sesa studio ligjore, Erion Veliaj të ketë sjellë një studio lobimi nga Shtetet e Bashkuara të Amerikës.

Mbrojtësit e tij do të jenë studioja e Arben Rakipit dhe Maks Haxhisë, ndërsa një pjesë tjetër që do të jetë lobim, do të mbulohet nga një studio në SHBA, e cila është paguar, siç deklaron Berisha, rreth 300 mijë dollarë.

Tashmë Erion Veliaj po ndjek dy rrugë për të dalë nga burgu. Atë të lobimit dhe mbrojtjen ligjore, të cilën e ka bërë në disa forma, që nga sulmet personale dhe kërcënimet ndaj Ols Dados, duke dashur ta përjashtojë prokurorin deri te lëpirja ndaj kryeministrit Rama./ CNA





Lajmet e fundit nga