web counter
LEXO PA REKLAMA!

SHKARKO APP

App Store
Google Play

Listat e PD-së/ Berisha konfirmon: Janë 8 vende për aleatët

10 Mars 2025, 13:46, Politikë CNA

Listat e PD-së/ Berisha konfirmon: Janë 8 vende për aleatët

Kryetari i Partisë Demokratike, Sali Berisha, tha sot se asnjë kryetar i njësive të qarqeve nuk ka pasur ndërhyrje prej tij për Primaret e PD-së.

Në një konferencë me gazetarët nga selia e PD-së, Berisha tha se primaret e organizuara kanë qenë në përgjegjësi të udhëheqësit të qarkut.

Berisha theksoi se listat i ka bërë anëtarësia dhe se janë 8 vende për aleatët.

"Kësaj radhe, fjalën për kandidaturat e kanë pasur, siç e keni parë vetë, anëtarësia e PD-së në primaret e organizuara në përgjegjësinë direkte të udhëheqësit të qarkut. Kjo është e vërteta.
Asnjë kryetar qarku nuk ka pasur asnjë ndërhyrje nga Sali Berisha apo kush tjetër, por ka qenë ai udhëheqës fuqiplotë i procesit të primareve mbi bazën e kritereve të caktuara. Kështu që, listat pak a shumë i kanë bërë anëtarët, propozimet.
Natyrisht, e kam theksuar, do ketë këto modifikime: gratë, është përcaktim statutor. Të rinjtë, është përcaktim statutor. Dhe e them këtu, përfaqësime, meqë jemi rajonal, ndonjëherë të komuniteteve, që për ndonjë arsye apo ndonjë tjetër nuk kanë pozicionin e duhur, por që meritojnë përfaqësimin. Ata nuk mund të mbeten pa përfaqësim. Komunitetet e mëdha, sepse i krijon qarku këto. Pra, do jenë korrigjime fare të lehta. Do kenë korrigjime, sigurisht, kjo nuk mund të diksutohet, për këto arsye që thashë. Por, nga ana tjetër listat e PD-së i ka bërë anëtarësia.
Kryetarët e qarqeve do jenë aty, do japin mendimet e tyre. Kryesia do vendosë. Nuk është në mënyrë absolute gjer sot asnjë listë e asnjë qarku e diskutuar apo e përfunduar, përveçse e atyre që ka bërë vetë anëtarësia. 

Janë 8 vende për aleatët”,-tha Berisha./CNA

 





Lajmet e fundit nga