web counter
LEXO PA REKLAMA!

SHKARKO APP

App Store
Google Play

E fundit!

x

Integrimi në BE/ Rama: Asnjëherë ylli gjeopolitik nuk ka qenë më i favorshëm për ne

10 Mars 2025, 09:30, Politikë CNA

Integrimi në BE/ Rama: Asnjëherë ylli gjeopolitik nuk ka

 

Kryeministri Edi Rama mëngjesin e kësaj të hëne ka mbledhur Grupin Parlamentar të Partisë Socialiste.

Përballë Grupit të PS-së Rama ka folur për rëndësinë që ka fitorja e forcës që ai drejton në integrimin në Bashkimin Europian. Rama tha se në këto zgjedhje ndikimi i gjeopolitkës është i jashtëzakonshëm, duke iu referuar procesit të hapjes së grupkapitujve. 

Kryesocialisti tha se ylli gjeopolitik nuk ishte përputhur asnjëherë më shumë me politikën e brendshme.

"Edhe vetë situata, rëndësia dhe konteksti i zgjedhjeve është i pazakontë dhe gjithë familja jonë e madhe duhet të vetëdijësohet për ndikimin e gjeopolitikës.

Besoj se qysh kur kam privilegjin të udhëheq këtë forcë, deri më sot 9 të tilla në asnjë deri më sot pesha e gjeopolitikës nuk ka qenë e pranishme si në këto zgjedhje.

Një është konteksti i marrëdhënieeve tona me BE-në dhe një rianëtarësimi ynë në aleancën Euroatlantike.

Konteksti i anëtarësisë sonë në Aleancën Euroatlantike dhe i sigurisë në tërësi. Rezultati i 11 majit më shumë se rezultat. Në 11 maj rëndësia e fitores së zgjedhjeve dhe vetë rezultati i zgjedhjeve kanë një peshë mbi të ardhmen e afërt të vendit shumë më të madhe sesa kanë pasur në të gjitha zgjedhjet e mëparshme. Për herë të parë qysh se kur jam në krye të PS-së është hapur një dritare në marrëdhëniet me BE-në. Për herë të parë ambicia për t’u bërë pjesë me të drejta të plota e familjes europiane përputhet me ambicien e BE-së. Asnjëherë yjet nuk janë përputhur si sot. Asnjëherë konteksti gjeopolitik nuk ka qenë i favorshëm për ne. Kjo nuk është një dritare e hapur përgjithmonë, është hapur në këtë kontekst dhe mund të ndryshojë. Mundësi që marrëdhëniet e BE-së me ne të kthehen përsëri 'bisnes as usual', të thonë që ende përparime dhe që misioni europian t'i kërkojë KE-së të hapë dyert e të dalin shtetet që pengojnë procesin, është një mundësi që nuk është përjashtuar. Sot për sot është lënë mënjanë, sepse interesi i BE-së për t’u forcuar në të gjitha drejtimet është më i madh sesa çdo gjë tjetër. Këtu është dhe përputhja e rrethanave tona të brendshme me ato të BE-së. Ne nuk do të lejojmë që Shqipëria ta humbë si mundësi.

Qysh nga viti i kaluar kur filloi të zbatohet procesi i negociatave dhe deri sot, shpejtësia me të cilën kemi përparuar në hapjen e kapitujve është e paprecedentë. Jo vetëm për meritën tonë, por sepse vullneti i palës tjetër është i paprecedentë.

Asnjëherë ylli gjeopolitik nuk ka qenë më i favorshëm për ne, edhe pse kam thënë që e ardhmja jonë është BE-ja.

Përputhen rrethanat e BE-së me rrethanat tona të brendshme dhe nuk do lejojmë të na ikë si mundësi", tha Rama.

Kryeministri tha se i duhet fitorja e 11 majit për të mos ndalur punën e mijëra njerëzve që punojnë për negociatat dhe për të mos humbur asnjë ditë për integrimin.

"Pse ka rëndësi fitorja?

Janë afërsisht 40 drejtues të grupeve negociatore që drejtojnë fushatat për të mos lëvizur me asnjë ditë punë.

11 maji për të mos pasur asnjë ditë të humbur e jo më muaj, sepse nëse mbyllet ajo dritare nuk dimë kur rikthehet", u shpreh kryeministri./CNA

 





Lajmet e fundit nga